E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

"Peshkaqeni" Sulejmani kafshon detin

29 Korrik 2023, 13:19, Aktualitet CNA

Është “Sulejmani i Madhërishëm” por është dhe Eduart Sulejmani , ky i fundit peshkaqeni i bregdetit.

Nuk është për tu sulmuar një oficer policie sepse nuk duam të ndodhë kurrë një gjë e tillë, përkundrazi e mbështesim policinë pakufij por në rastin e "peshkaqenit" Sulejmani duhet të themi diçka më tepër.

Kjo ndodh në Jugun e Shqipërisë, ku operatorë të ndryshëm turistikë ofrojnë shërbime për të lëvizur në det, për të pasur akses në zonat e bukura që ofron Riviera Shqiptare.

Por ndodh që nuk ka qejf peshkaqen Sulejmani.

Po dole ai të kafshon. Edhe pse mund të kesh dokumenta, letra dhe leje sipas kërkesave dhe ligjit nuk të lejon ai të punosh edhe pse paguan taksa në shtet siguron njerëzit sepse peshkaqeni të kafshon.

Sipas "peshkaqen" Sulejmanit turizmi në det bëhet duke luajtur tavëll dhe domino me policët.

Nuk të lejon “Sulejmani i Madhërishëm” i detit të punosh, të ushtrosh aktivitetin, se i pushon policët nga puna, kuptohet ata që nuk paguajnë haraçin e duhur tek shefi i tyre.

Pra nuk kanë marrë llokma nga operatorët e terrenit, operatorët që punojnë në det me turistë për ta çuar tek i madhi peshkaqen.

Kështu ndodh në Jug dhe kjo në një fluks të madh turistësh të huaj dhe nga vendi të cilët duan të shohin rivierën e bukur të Shqipërisë, por Sulejmani ca i ka të nënës dhe ca të njerkës.

E kjo diferencë jo shumë për Peshkaqenin e detit që është duke kaluar në sitën e vetingut.

A mund të ketë siguri bregdeti me një peshkaqen që kafshon operatorët turistikë dhe nuk i lejon të ushtrojnë aktivitetin?

A nuk po e shkatërron turizmin ? A nuk po i dëbon turistët ky individ megaloman i paaftë dhe i dështuar në punën e tij?

Me fakte dhe prova duket qartazi siç thamë më lartë që disa i ka të nënës dhe disa të njerkës.

Në fakt tregon se korrupsioni, shantazhi presioni ndaj bizneseve, është parrulla që ka para syve "Sulejman Peshkaqeni" i bregdetit të rivierës shqiptare./ CNA