web counter
LEXO PA REKLAMA!

SHKARKO APP

App Store
Google Play

Nuk ndalen përplasjet në PD-në e vulës/ Basha "nxjerr në sulm" ushtarin e radhës

28 Korrik 2023, 17:31, Aktualitet CNA

Nuk ndalen përplasjet në PD-në e vulës/ Basha "nxjerr

Nuk kanë të ndalur përplasjet në PD-në e vulës. Pas deklaratës së grupit parlamentar që kërkon të zbatohet anulimi i zgjedhjeve, ka reaguar një tjetër ushtar i Lulzim Bashës.

Bëhet fjalë për Kreshnik Çollakun. Me anë të një statusi në rrjetet sociale, ai pretendon se grupi parlamentar po keqpërdor deklaratat.

Ai shprehet se kolegët e tij në PD-në e vulës duhet t’i shprehin qëndrimet e tyre në emër personal dhe jo në emër të gjithë grupit.

"Keqpërdorimi i deklaratave në emër të Grupit Parlamentar duhet të ndalet.

Në Grupin Parlamentar bëjmë pjesë të gjithë deputetët e PD.

Është fakt i njohur se brenda grupit për çështje të caktuara, që lidhen me zgjedhjet në PD ndajmë mendime e qëndrime të ndryshme.

Është krejt normale që kolegë deputetë individualisht apo në grup nominalisht mund të shprehin qëndrimet e tyre.

Është jo korrekte dhe jo etike që në emër të Grupit të dalin deklarata që nuk përfaqësojnë gjithë grupin e që për më tepër nuk janë as diskutuar me të gjithë grupin.

Duke qenë se kjo po bëhet një sjellje rutinë e përsëritur, ju bëj apel kolegeve ti bëjnë të tilla deklarata në emër personal dhe jo në emër të gjithë Grupit Parlamentar të PD,si kusht për të ruajtur respektin reciprok dhe kohezionin e Grupit", shkruan Çollaku./CNA.al





Lajmet e fundit nga