web counter
LEXO PA REKLAMA!

SHKARKO APP

App Store
Google Play

E fundit!

x

Nga anulimi i zgjedhjeve te dorëheqja e Bashës/ Vendimet e Këshillit Kombëtar të PD-së së vulës

27 Korrik 2023, 20:53, Aktualitet CNA

Nga anulimi i zgjedhjeve te dorëheqja e Bashës/ Vendimet e

Gazment Bardhi pas mbledhjes së Këshillit Kombëtar të PD në një deklaratë për mediat ka bërë me dije vendimet e marra në këtë mbledhje.

Ai u shpreh se është pranuar dorëheqja e Bashës dhe e Alibeajt si dhe tregoi lidhur me kompetencat e dhëna një grupi të deputetëve për vijimin e mëtejshëm të procesit.

Bardhi tha se vendimet e dala nga 6 qershori janë antistatuore dhe sipas tij është përdorur e falsifikuar vula e PD përmes një vendimi antistatutor.

“Njoftoj anëtarët e partisë se Këshilli Kombëtar i Partisë Demokratike konstatoi se thirrja e takimit të disa anëtarëve të PD me pretendimin se është zhvilluar mbledhja e Këshillit Kombëtar të PD shkeli të gjitha rregullat e statutit, në thyere flagrante të normave statutore. Vendimet e këtij takimi janë nul dhe nuk kanë vlerë politike e ligore për PD. Vendimet janë antistatutore të marra pa korum, aktet e Kryesisë së Partisë kanë përdorur e falsifikuar vulën e PD përmes një vendimi antistatutor. Këshilli Kombëtar me votim të hapur që sipas vendimmarrjes së Këshillit do të konfirmohet brenda 24 orëve vendosi se më 20 qershor nuk ka pasur asnjë vendim të vlefshëm statutor, asnjë mbledhje të vlefshme të mbajtur. Shfuqizimi i gjithë vendimeve udhëzimeve e të urdhrave deri në datën e Këshillit Kombëtar. Pezullim i veprimtarisë statutore të PD. Pranimin e dorëheqjes së Lulzim Bashës dhe Enkelejd Alibeaj. Ngarkim i një grupi deputetësh që të gjithë të ndjekin hapat ligjor për zbatimin e këtij vendimi. Këshilli Kombëtar e PD ka autorizuar grupin e deputetëve që të drejtohen në të gjitha organet.”, tha Bardhi.

Në këtë mbledhje janë marrë këto vendime: 

1.Pas relatimit të Sekretarit të Përgjithshëm, Këshilli Kombëtar ka konstatuar dhe pranuar dorëheqjen e datës 21 mars 2022 të Kryetarit të Partisë Demokratike z. Lulzim Basha; dhe dorëheqjen e datë 17 Maj 2023 të Nënkryetari të Partisë Demokratike z. Enkelejd Alibeaj. Ndërkohë, u shtyu për në një mbledhje tjetër vlerësimin mbi dorëheqjet e Nënkryetarëve Agron Gjekmarkaj dhe Jorida Tabaku, të cilët i qëndrojnë dorëheqjes së tyre, edhe pse dorëheqjet e tyre nga ana e Këshillit nuk u konsideruan si të parevokueshme.

2.Këshilli Kombëtar i PD ka vendosur të anulojë zgjedhjet e datës 29 Korrik 2023, duke e konsideruar procesin antistatutor dhe farsë.

3.Këshilli Kombëtar vërejti se të gjitha vendimet dhe qëndrimet e Kryesisë së Partisë duke filluar nga data 6 Qershor 2023, janë antistatutore, të marra pa kourum, dhe nuk kanë mbajtur në konsideratë pasojat që mund të sjellin në përçarjen dhe dobësimin e mëtejshme të partisë.

4.Aktet e Kryesisë së Partisë kanë arritur deri më aty sa kanë përdorur, falsifikuar dhe prodhuar në mënyrë të paautorizuar vulën e PD, përmes një vendimi nul dhe antistatutor. Të gjitha këto vendime janë anulluar dhe Këshilli Kombëtar ka vendosur të pezullojë veprimtarinë statutore të Kryesisë së PDSH, deri në verifikimin e rregullshmërisë statutore të përbërjes së saj.

5.Një grup deputetësh janë ngarkuar të ndjekin të gjitha hapat ligjor dhe statutor për zbatimin e vendimit të Këshillit, si dhe për përfaqësimin e Partisë Demokratike, në rrugë ligjore për të kundërshtuar çdo akt që bie ndesh me vendimin. Gjithashtu, Këshilli Kombëtar i PD, si organi më i lart drejtues i Partisë, i ka autorizuar deputetët që në emër të Partisë Demokratike të Shqipërisë të kërkojnë çregjistrimin e ish-Kryetarit të dorëhequr të PD Lulzim Basha nga regjistri i partive politike, bazuar edhe në vendimin e KAS për dorëheqjen e tij, që është lënë në fuqi nga gjykata./CNA.al





Lajmet e fundit nga