web counter
LEXO PA REKLAMA!

SHKARKO APP

App Store
Google Play

Kush është Pëllumb Gjoka, ‘investitori strategjik’ i Ramës që u arrestua sot?/ Berisha e akuzoi si trafikant që vodhi zgjedhjet

27 Korrik 2023, 11:34, Aktualitet CNA

Kush është Pëllumb Gjoka, ‘investitori strategjik’ i

Policia e Shtetit ka nisur sot një megaoperacion në bashkëpunim me SPAK-un, ku ndër të tjerë është arrestuar biznesmeni Pëllumb Gjoka, të cilit vetë kryeministri Rama i ka firmosur dokumentin që e njeh si investitor strategjik.

Investimet e tij strategjike përfshinin kompaninë “Imperial Group” dhe dy vite më parë iu dha e drejta të ndërtojë resortin “Silver Sand”, brenda pyllit në bregdetin e Velipojës.

Në atë kohë Rama është akuzuar se po mbronte dhe po favorizonte biznesmenin në fjalë, i cili as nuk kishte justifikuar pasurinë e vënë përgjatë 30 viteve.

Për t’i miratuar lejen e Investitorit Strategjik, kryeministri Edi Rama dhe ish-ministri Blendi Klosi, sipas mediave opozitare në atë kohë, i kishin hequr statusin “Zonë e Mbrojtur e Veçantë” pyllit Park Kombëtar të Velipojës me sipërfaqe 39 hektarë në zonën e caktuar për këtë resort.

Përveç këtyre akuzave edhe ish-kryeministri Sali Berisha ka akuzuar shpesh si trafikant, vrasës dhe kryetar bande Pëllumb Gjokën, për të cilin ka thënë se është mik i Tom Doshit dhe Edi Ramës.

Pas zgjedhjeve të 14 majit, Berisha tha se kandidati i PS-së, Benet Beci, në Shkodër, u ndihmua nga tri banda për të fituar si kryebashkiak, një prej të cilave ishte ajo e biznesmenit Pëllumb Gjoka.

“Pëllumb Gjoka ka mbajtur në pushtim të plotë qendrat e votimit në Velipojë. Kam dërguar atje anëtarin e Këshillit Kombëtar dhe shefin e kabinetit vetëm për të evidentuar, për t’i thënë Pëllumb Gjokës që ne po të shohim se çfarë po bën”, tha Berisha disa javë më parë.

Gjithashtu Gjoka akuzohej se kishte vrarë 90-vjeçaren nga Malësia e Madhe, Drane Hotaj, dhe më pas ka manipuluar me testamentin e saj duke i grabitur 390 mijë m2 tokë në bregdetin e Velipojës. Akuzat janë bërë nga vajza e së ndjerës.

Elton Qyno





Lajmet e fundit nga