web counter
LEXO PA REKLAMA!

SHKARKO APP

App Store
Google Play

E fundit!

x

Balla, takim me efektivët e Policisë Rrugore/ “Dua të më konsideroni si mikun tuaj”

27 Korrik 2023, 08:40, Aktualitet CNA

Balla, takim me efektivët e Policisë Rrugore/ “Dua të

Ministri i Brendshëm, Taulant Balla, ka zhvilluar mëngjesin e sotëm një takim me disa efektivë të Komisariatit të Qarkullimit Rrugor në Tiranë.

Balla ka vlerësuar rolin dhe kontributin e kësaj strukture në sigurinë rrugore dhe ka vënë në pah punën e efektivëve në këto ditë me temperatura të larta dhe sprovuese.

Ndër të tjera, ministri u shpreh se në mesin e uniformave blu mund të konsiderohet si një mik i tyre dhe jo si një ministër.

Në këtë takim ishin të pranishëm edhe Kreu i Policisë së Shtetit, Muhamet Rrumbullaku dhe Drejtori i Policisë Tiranë, Tonin Vocaj.

“Njësia e Policisë Rrugore të Tiranës, ndër më të mirat. Dua t’ju përgëzoj pasi edhe në temperatura 40 gradë ju ishit në krye të detyrës. Bashkë do takohemi shpesh pasi unë jam nga ata që zgjohen shpejt. Dua të më konsideroni si mikun tuaj pasi roli im është t’ju mbështes ju. E kam thënë dhe më parë që mes jush dhe kujtdo tjetër që do ndërhyjë, unë jam për ju. Gjej rastin të kujtoj se na duhen domosdoshmërisht që ndryshimet e fundit të Kodit Rrugor të zbatohen. Kemi një numër të rritur aksidentesh dhe kjo nuk vjen për faj të Policisë Rrugore, por ne duhet të rrisim intensitetet e kontrolleve për më tepër siguri.”- tha Balla./CNA.al





Lajmet e fundit nga