web counter
LEXO PA REKLAMA!

SHKARKO APP

App Store
Google Play

E fundit!

x

Partia Demokratike e Erion Veliajt

26 Korrik 2023, 16:42, Aktualitet Elvi FUNDO
Partia Demokratike e Erion Veliajt
Foto ilustruese

Ka pasur shumë raporte, shumë shkrime, se një grup individësh brenda PD-së i kanë shërbyer kryeministrit Rama.

Ortakëria apo shërbimet, marrëveshjet dhe korrupsioni, kanë filluar pas takimit “kokë më kokë” Rama-Basha në 2017-ën dhe kanë vijuar, e sot janë më të forta se kurrë. Por mesa duket, gjithçka nuk ka qenë vetëm te kryeministri, por dhe tek Erion Veliaj.

Partia Demokratike e Erion Veliajt
Foto ilustruese

CNA ka qenë ndër të parat media me një qasje të fortë opozitare, që shpesh ka raportuar se individë të ndryshëm në krah të Lulzim Bashës, përfshirë familjarë të tij të ngushtë, ishin të lidhur direkt me kryebashkiakun e Tiranës, Veliajn.

Kemi denoncuar lidhjet e Jorida Tabakut, lejet e ndërtimit. Kemi denoncuar qasjen e Joridës pro kryebashkiakut të Tiranës, Veliaj, në aferën e inceneratorëve e kështu me radhë.

 
 
 
 
 
 
 

Nuk jemi ndalur duke denoncuar Lulzim Bashën drejtpërdrejtë e deri te fakti që Luli na e provoi se me Lalin kishte arritur një marrëveshje. Këtë e bëri publikisht, ai e paditi Veliajn se kishte shpifur dhe gënjyer publikisht kur kishte thënë për vilat e Lulit në një nga zonat rezidenciale të kryeqytetit.

Rezultoi e tillë që vilat ishin të vërteta. Këto i kishte denoncuar dhe CNA më parë. Por Luli u tërhoq nga padija ndaj Lalit dhe çështja u pushua.

Më pas shfaqet Taulant Balla në takim me Lulzim Bashën. Balla njihet për marrëdhënien e tij të ngushtë me kryebashkiakun e Tiranës.

Partia Demokratike e Erion Veliajt

Më pas dëgjojmë shpesh tenderë, qoka për deputetë pranë Lulit, për njerëzit e Bashës, ndërkohë që opozitarët përpiqen të luftojnë, të krijojnë alternativa, të denoncojnë qeverinë, Luli kalon nga dashuria me Edi Ramën tek ortakëria me Erion Veliajn, duke ia dhënë këtij të fundit Partinë Demokratike të vulës.

Sot zyrtarisht shqiptarët kanë një Parti Demokratike të Erion Veliajt.

Na e tregoi Gazment Bardhi me dy fjali të tij. Ai tha sot se janë anëtarë të PD-së apo në drejtim të saj, njerëz të cilët kanë votuar, urdhëruar dhe bërë fushatë për Erion Veliajn.

Megjithëse PD-ja e vulës kishte kandidatin e saj, partia e Lulit e kishte njeriun e saj në garë, siç ishte Roland Bejko, njerëzit e Lulit dhe vetë Luli, nuk kanë shkuar dhe nuk kanë denjuar të votojnë apo bëjnë fushatë për Roland Bejkon, por kanë shkuar e kanë bërë fushatë dhe kanë votuar për Erion Veliajn.

Qartësisht me këtë fjali të thënë nga Gazment Bardhi skena politike është më e pastër.

PD-ja e Erion Veliajt është aty me një grup njerëzish të Lulzim Bashës, të cilët tashmë janë denoncuar publikisht nga Sekretari i Përgjithshëm, Gazment Bardhi, një nga besnikët kryesorë të Lulit që na tha se PD-ja e Erion Veliajt është aty me Lulzim Bashën, që do të bëhet kryetar pas disa ditësh dhe një shpurë individësh të korruptuar që i shërbejnë me.devotshmëri Lalit nëpërmjet Lulit./ CNA

 





Lajmet e fundit nga