web counter
LEXO PA REKLAMA!

SHKARKO APP

App Store
Google Play

Basha i rikthehet refrenit/ “Do bëjmë realitet listat e hapura dhe vetingun e politikanëve”

5 Korrik 2023, 12:47, Aktualitet CNA

Basha i rikthehet refrenit/ “Do bëjmë realitet listat e hapura

Ish-kryetari i PD-së së vulës, i cili kërkon sërish të marrë drejtimin e partisë së shkatërruar nga duart e tij, i është rikthyer referenit në takimet e tij me një grusht njerëzish.

Përmes një postimi në rrjetet sociale, Basha thotë se do të bëjë realitet, listat e hapura, vetingun në politikë, kufizimin e mandateve, votën e diasporës, dhe zgjedhjen e Presidentit nga populli.

“Hapja, modernizimi, fuqizimi i rinisë dhe qarkullimi i elitave brenda Partisë Demokratike do jenë pjesë e përditshme e përpjekjeve tona për të rritur besimin dhe inkurajuar angazhimin e të rinjve në politikë.

Ndryshimi që shumica e heshtur kërkon do të nisë nga familja jonë politike për t’u shtrirë më pas në të gjitha institucionet vendimmarrëse të vendit.

Ne do t’i bashkojmë forcat dhe energjitë tona me të gjithë shqiptarët që duan të kenë në duart e tyre pushtetin, për të zgjedhur dhe ndikuar në qeverisjen e vendit.

Aleanca Qytetare për Demokracinë është mjeti në shërbim të këtij bashkimi, pavarësisht bindjeve politike, por të qartë se ndryshimet kushtetuese dhe ligjore për të cilat vendi ka nevojë janë kushti paraprak për të çliruar potencialin e jashtëzakonshëm politik dhe ekonomik që vendi ynë ka.

Me listat e hapura, vetting-un e politikanëve, kufizimin e mandateve, votën e diasporës, zgjedhjen e Presidentit nga populli, duke i dhënë kopetenca kontrolli mbi vendimet e Parlamentit dhe qeverisë, ne çelim siparin e një debati të madh kombëtar, e me forcën e bashkimit do t’i bëjmë realitet.

Duhet t’i japim fund pushtetit pakufi, vendimmarrjes që bazohet në vullnetin e një individi, duke i dhënë peshë votës së qytetarëve dhe rritur mekanizmat e kontrollit nga Parlamenti”, shkruan Basha./ CNA





Lajmet e fundit nga