web counter
LEXO PA REKLAMA!

SHKARKO APP

App Store
Google Play

E fundit!

x

247-vjetori i Pavarësisë së SHBA-së/ Mesazhi i Berishës: Rol përcaktues në lirinë e vendit tonë

4 Korrik 2023, 11:28, Aktualitet CNA

247-vjetori i Pavarësisë së SHBA-së/ Mesazhi i

Ish-kryeministri Sali Berisha ka uruar 247-vjetorin e pavarësisë së SHBA-së. Përmes një shkrimi në rrjetet sociale Berisha shprehet se për shqiptarët, kjo është një ditë e bekuar pasi në të gjitha momentet tona kritike kemi pasur fatin e madh të kemi në krahun tonë SHBA-në, që ka pasur rol përcaktues në lirinë e vendit tonë.

“4 Korriku- dita e Pavarësisë së SHBA! Miq, sot kombi i madh amerikan feston!

Kombi i lirisë feston ditën e Pavarësisë, 247 vjetorin e Pavarësisë së tij. Ne këta 247 vite, kombi i madh amerikan shndërroi SHBA në vendin më te lirë, më të fuqishëm, më të zhvilluar dhe më të begatë të planetit dhe kontribuoi më shumë se çdo komb tjetër për lirinë e kombeve të tjerë të shtypur dhe pushtuar në mbarë botën.

Për ne shqiptarët, një komb jetim me histori tejet të veshtirë, kjo është një ditë e bekuar pasi në të gjitha momentet tona kritike kemi patur fatin e madh të kemi në krahun tonë SHBA, të cilat kanë luajtur role përcaktues për lirinë e kombit tonë.

Duke shprehur mirënjohjen tonë të pakufishme le të urojmë nga zemra: Zoti i bekoftë SHBA-të, flamurin dhe lirinë e tyre!”-shkruan Berisha.

Po ashtu, kreu i PL-së, Ilir Meta, ka shprehur urimin e tij për këtë ditë historike për popullin amerikan.

Meta thotë se SHBA-ja ka qenë dhe mbetet shembull dhe burim frymëzimi për të gjithë njerëzit dhe kombet që aspirojnë për demokraci të vërtetë.

“Aty ku strehohet liria, atje gjendet vendi im”. – Benjamin Franklin

SHBA kanë qenë dhe mbeten shembull dhe burim frymëzimi për të gjithë njerëzit dhe kombet që aspirojnë për demokraci të vërtetë, për liritë dhe dinjitetin njerëzor.

Gëzuar Festën e Pavarësisë SHBA, popullit amerikan dhe të gjithë shqiptaro - amerikanëve, të cilët kanë kontribuar pa rreshtur për forcimin e miqësisë afatgjatë dhe të marrëdhënieve tona strategjike!”-shkruan Meta./ CNA





Lajmet e fundit nga