web counter
LEXO PA REKLAMA!

SHKARKO APP

App Store
Google Play

247-vjetori i Pavarësisë së SHBA-së/ Nikolla: Shteti më demokratik në botë

4 Korrik 2023, 10:00, Aktualitet CNA

247-vjetori i Pavarësisë së SHBA-së/ Nikolla: Shteti më

Kryetarja e Kuvendit, Lindita Nikolla, ka uruar 247-vjetorin e Pavarësisë së SHBA-së.

Përmes një postimi në rrjete sociale, Nikolla shprehet se shqiptarët janë përjetësisht mirënjohës kundrejt SHBA-së sepse kanë qenë dhe janë mbrojtësit e mëdhenj të mbijetesës, pavarësisë, zhvillimit dhe të ardhmes së Shqipërisë.

Ndër të tjera, Kryetarja e Kuvendit thotë se nuk ka një rast tjetër, kur pavarësia e një vendi të ketë ushtruar në historinë botërore atë ndikim e fuqi siç ka ndikuar ajo e SHBA-së.

“Mirëmëngjes, Amerikë, në 247-vjetorin e Pavarësisë!

Nuk ka një rast tjetër, kur pavarësia e një vendi të ketë ushtruar në historinë botërore atë ndikim e fuqi ndryshimi të Deklaratës dhe shpalljes së Pavarësisë së SHBA-ve.

Pavarësia e SHBA i dha jetë shtetit më të madh demokratik të botës dhe jetërsimit në parimet kushtetuese të të drejtave të patjetërsueshme të individëve: Jetës, Lirisë dhe kërkimit të Lumturisë.

Prej 4 korrikut 1776, Parimet e Deklaratës së Pavarësisë janë bërë filozofia politike e zhvillimit dhe demokratizimit të kombeve të qytetëruara dhe e përhapjes së valëve të demokracisë në mbarë Globin.

Ne, shqiptarët, jemi përjetësisht mirënjohës se SHBA kanë qenë dhe janë mbrojtësit e mëdhenj të mbijetesës, pavarësisë, zhvillimit dhe të ardhmes sonë.”-shkruan Nikolla./ CNA





Lajmet e fundit nga