LEXO PA REKLAMA!

SHKARKO APP

Nga buqeta me grurë e Korreshit te parada verore e ministreve dhe deputeteve/ Momentet më pikante të ditës së sotme

3 Korrik 2023, 14:28, Aktualitet CNA

Nga buqeta me grurë e Korreshit te parada verore e ministreve dhe

Në seancën e sotme parlamentare, e cila vijon ende me debate dhe diskutime mes mazhorancës dhe opozitës, pati edhe momente pikante.

Deputeti i PD-së, Saimir Korreshi, kishte përgatitur për qeverinë një buqetë me grurë duke thënë se të gjithë fermerët kanë dalë me humbje dhe nuk kanë marrë asnjë subvencion. Sipas tij, pasi qeveria u mori votat, abuzoi me çmimin.

Gjithashtu nuk kanë munguar debatet e forat mes Sali Berishës dhe deputetes Ermonela Felaj, në lidhje me emërimet e familjarëve në Prokurorinë e Tiranës, ku deputetja reagoi për herë të parë pas akuzave duke thënë se gjithçka, ajo dhe familjarët e saj, e kanë marrë falë arsimit dhe jo politikës.

Më tej seanca vijoi me diksutime të forta për raportet e institucioneve të drejtësisë, ku kreu i SPAK-ut, Altin Dumani, u kap sërish mat me hetimet për inceneratorin e Tiranës, duke u justifikuar se hetimet vazhdojnë dhe se shpresonte që në të ardhmen të kishte rezultate konkrete.

Po ashtu, kreu i KLP-së, Alfred Balla, iu përgjigj pyetjeve të opozitës në lidhje me emërimet e familjarëve të Felajt duke i thënë opozitës se ka qenë parlameti ai që në vitin 2019 ka votuar për shfuqizimin e një neni të tillë.

Gjithashtu, si gjithnjë, përveç debateve të nxehta, hera-herës më ironi dhe tone të ashpra, nuk mungon as parada e ministreve apo deputeteve të parlamentit.

Në paradën e radhës ato kanë shkëlqyer me veshjet e tyre me ngjyra verore. Për më tepër shihni galerinë e mëposhtme./ CNA

Lajmet e fundit nga