“Top Channel”, në sulm ndaj “Conad”

1 Korrik 2023, 13:32, Aktualitet CNA

Televizioni "Top Channel"

Televizioni i ortarkërisë së inceneratorëve është hedhur sot në sulm ndaj brandit italian të njohur “Conad”.

Në një shkrim që duket aspak profesional, krejtësisht keqinformues dhe me të dhëna të pasakta duket se “Top Channel” të mos jetë më ai televiozni dinjitoz i madh, por të hyjë në lojëra të pista.

“Bandë digjitale që merret me gjoba”/ Rama sulmon ashpër edhe "Top Channel"
20 Korrik, 16:56

Është akuzuar për televizion gjobaxhi, këtë e ka thënë kryeministri Edi Rama, është akuzuar për televizion gjobaxhi nga gazetarët dhe bashkëpunëtorët.

Në rastin e “Conad” ngrihet një pyetje, a është një gjobë, pse ky lajm?

Kjo pasi pas raportimit të lajmit nga “Top Channel”, CNA ka verifikuar se dyqanet e “Conad” vijojnë të jenë të hapura. “Conad” është hapur kudo.

Foto e "Conad" hapur pas raportimit të lajmit nga "Top Channel"

Dhe po të lexosh lajmin e “Top Channel”, mes rreshtash e kupton se flitet për histori para 20 vjetësh. Ndërkohë kanë ikur dy kompani, vjen një kompani tjetër, çmimet i ka të larta, kjo është përballueshme, kjo është e papërballueshme, a thua se “Top Channel” po qan hallin e varfërisë së shqiptarëve që mund ta zgjidhë te dyqanet e “Conad”!

Në fakt, “Top Channel” hallin mund ta zgjidhte duke treguar të vërtetën e qeverisë shqiptare, atë që i thonte Edi Ramës përpara se “Top”-i të bënte ato shitjet, ndoshta edhe fiktive të aksioneve për interesat e brendshme, apo sulmet që bënte ndaj qeverisë dhe kryeministrit derisa u fitua gjyqi për marrjen nën kontroll 100% të aksioneve të “Top Channel”.

Ekskluzive - Dokumentet/ Shitet “Top Channel”
23 Mars, 21:50

“Top”-i do bënte mirë të ishte televizion i vërtetë opozitar, jo i akuzuar nga të tjerët se i kishte rrjedhur ndonjë video skandaloze, e kështu me radhë.

Në fakt, halli i shqiptarëve nuk gjendet tek “Conad”. Halli i shqiptarëve gjendet tek problematikat, varfëria, papunësia, ikjet masive.

Ndërsa “Conad” është një rrjet supermarketesh që është sulmuar nga “Top Channel” për interesa kushedi se çfarë.

Kjo duket qartë. Dhe një herë na tregon se televiozni kombëtar “Top Channel” më shumë sesa mision gazetarie, ka mision “Përputhen”, apo mision “Big”-u dhe deri te gjobat siç e kanë thënë vetë Kryeministri ynë i nderuar dhe gazetarët që punojnë në “Top”, pa shkuar më tej te ortakëritë me inceneratorët, aferën më korruptivë të 30 viteve demokraci, ku “Top Channel” është një nga bizneset e lidhura në mënyrë direkte me Mirel Mërtirin, Klodian Zoton dhe Stela Gugalljan.

Ndërsa sot sulmon “Conad”-in për kushedi se çfarë, thjeshtë dhe vetëm kuptohet nga shkrimi se gjithçka nuk ka qëllim mediatik e gazetaresk, por qëllime dhe dritëhije të tjera./ CNA.al

“Top Channel”, në sulm ndaj “Conad”