E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

Sharlatani i Rilindjes dhe bandat mediatike

30 Qershor 2023, 11:51, Aktualitet CNA

Rrëmbejnë mikrofonat, dalin në ekrane, shqiptarët i shijojnë gomarllëqet, bastarditetet e tyre apo mediave sepse ato të fundit e kanë për detyrë të vendosin standardin e tyre. Ata mund të shkruajnë nëpër rrjete sociale çfarë të duan dhe mbajnë përgjegjësi, por aq vlejnë andej matanë, ndërsa në ekran vlejnë shumë më tepër.

Një nga burrat e mençur italian ka thënë se budallanë e kishim në shtëpi, me daljen e rrjeteve sociale po e shikon gjithë bota.

Në fakt budallenjtë po i marrin dhe i vendosin nëpër ekran. Kështu ndodh edhe me ndonjë roje lavazhi me parking bosh që del e bën filozofin.

Njeriu që mbronte trafikantin e drogës, Xhemail Pasmaçiun, një spiun, sylesh, se çfarë i thonë.

Thonë se këtë individ e kanë gjetur në një bunker diku nga Brryli me ca burra që ia kishin fryrë sytë, ndërsa ai gëlltitej i lumtur.

Del dhe shkruan, akuzon një lloj llapaqeni që nuk i duhet më askujt, por në ekrane e përdorin.

Së fundi ka sulmuar deputetin Edmond Spaho me familjen e tij, historira, meselera. A thua se Maliqi që ka më shumë lopë se njerëz, në fakt, ka më shumë fusha, më shumë panxhar, më shumë prodhime se ndoshta çdo hapësirë tjetër që punohet në tokën shqiptare, ka me shumicë dhe thashetheme.

Ka me shumicë shumë e shumë gjëra. Plus kësaj edhe mizën kur kalon në ajër e marrin vesh.

Tani na del një klloun dhe tregon meselera me xhixhilera. Futet nëpër familje, akuzon, shpif të pavërteta dhe lind pyetja, pse e bën këtë?

Për një grusht lekësh se në Amerikë ka ngelur pa bukë thonë, dhe për një grusht lekësh a mund të bëhet burri kaq sharlatan?

A mund të kthehet në një vemje?

Ndoshta për të s’kanë vlerë, morali i tij i tillë mund të jetë, por duhet të marrë fund epoka e këtyre sorrave mediatike, që i japin gojës dhe zgjasin llapën thjesht dhe vetëm që të bëhen mediatikë që dikush t’i dëgjojë dhe t’i prodhojë.

Fajin nuk e kanë këta budallenj të pavlerë dhe të parëndësishëm, por përgjegjësia është tek ata që çdo gomarllëk që nxjerrin nga goja të tilla kufoma qytetare, të tilla kufoma mediatike, kufoma morale, që nuk i duhen askujt, u jepet një peshë për inate politike, për të denigruar dikë.

Sepse në Shqipëri perversiteti dhe lajmi i moralit merr audiencë, merr peshë, merr vlerë dhe me të tilla zagarllëqesh shumë personazhe duan të mbijetojnë, të mbushin xhepat me para me gjoba, me shantazhe, të cilat në fakt nuk bëhen thjesht dhe vetëm nga një pastrues turni i parë dhe roje turn i dytë në lavazhe bosh përtej oqeanit, por dhe të tjerë që vijnë vërdallë në Tiranë a gjetkë, thjesht dhe vetëm duke gjetur hapësirën për të mbushur xhepat me para të pista me qëllime të ndyra, individë që krijojnë thashetheme, që janë vetë thashethemi.

Njerëz që kanë një mungesë të madhe të botës shpirtërore, të vetmuar, të vrarë, të braktisur, të pashpresë, pa profesion, pa të ardhura, mjeranë që kërkojnë të ndërtojnë botën e tyre shpirtërore me gënjeshtra me thashetheme dhe me vendosjen në qendër të vëmendjes së opinionit publik.

Por sa herë del gomari kudo që ta nxjerrësh, gomari i tillë ngelet, si në ekran, si ta ngarkosh në punë apo ta lëshosh në arë të hajë bar, sërish ngelet gomar dhe gomar budallai nuk është se i prish kujt punë, thjesht dhe vetëm bën për të qeshur tufën e kërriqave që gajasen me budallallëqet e çdo gomari mediatik që turpësisht i jepet hapësirë në televizionet apo mediat shqiptare.

/Agim Bega Maliq