web counter
LEXO PA REKLAMA!

SHKARKO APP

App Store
Google Play

Qeveria kërkon të mbajë peng studentët/ Ja plani i ri

29 Qershor 2023, 12:08, Aktualitet CNA

Qeveria kërkon të mbajë peng studentët/ Ja plani i ri

Ministrja e Arsimit, Evis Kushi, ka bërë me dije se sot në mbledhjen e qeverisë është marrë një vendim në lidhje me programet prioritare dhe mbështetja financiare për studentët ekselentë.

Kushi bëri me dije se studentët që do të zgjedhin programet prioritare si bujqësia apo turizmi dhe kanë një mesatare 8.5 do të marrin një bursë sa paga minimale, 40 mijë lekë të rinj, çdo muaj, por kushti është që pas përfundimit të universitetit të japin kontributin e tyre pë tri vjet në Shqipëri. 

Po ashtu bursë me pagë minimale do të ketë dhe për studentët ekselentë që kanë marrë 10 në të gjitha provimet.

"Sot miratuam një vendim që përbën lajm të mirë për maturantët dhe universitetet që duan të rigjenerojnë programet prioritare. Do të ketë mbështetje për studentët ekselentë.

Sipas vendimit ne kemi shpallur një listë të programeve prioritare si bujqësia, turizmi.

Studentët me mesatare 8.5 përfitojnë një bursë sa paga minimale me kusht që pas diplomimit të qëndrojnë tri vite të japin kontributin e tyre në Shqipëri.

Edhe studentët ekselentë të përfitojnë një bursë sa paga minimale dhe ata që fitojnë në olimpiada ndërkombëtare”, është shprehur Kushi.

Kujtojmë se pak kohë më parë qeveria ka marrë vendim për studentët e mjekësisë që t'u mbajë peng diplomën për tri vite, që ata pasi të përfundojnë shkollimin të japin kontribut në vendin e tyre për tri vjet.

Ky vendim solli protesta nga ana e studentëve, të cilët shprehen se nuk do të firmosin asnjë kontratë./ CNA

 





Lajmet e fundit nga