web counter
LEXO PA REKLAMA!

SHKARKO APP

App Store
Google Play

E fundit!

x

“Pres dorëheqje masive nga Kadastra”/ Rama: Kush ikën e falënderojmë, paralajmërimi për ata që rrinë

30 Qershor 2023, 11:49, Aktualitet CNA
“Pres dorëheqje masive nga Kadastra”/ Rama: Kush ikën e
Kryeministri Edi Rama

Kryeministri Edi Rama ka prezantuar reformën për Agjencinë Shtetërore të Kadastrës.

Ai është shprehur se pret dorëheqje masive nga ky institucion.

Kryeministri u tregua i qartë në atë që punonjësit duhet të jenë bankierë dhe jo banakierë dhe të mos bëjnë ndërhyrje për askënd pasi kjo nuk do të funksionojë më.

Ndër të tjera deklaroi se do të ketë një rritje të konsiderueshme të pagës për punonjësit e Kadastrës, pasi ata duhet të paguhen nga qeveria dhe jo nga qytetarët.

Ndërsa është shprehur se do të jetë falënderues për këdo që vendos të ikë nga Kadastra, teksa paralajmëron se ata që do të rrinë do t'u nënshtrohen trajnimeve dhe kualifikimeve.

“Pres dorëheqje masive nga Kadastra dhe nga ana tjetër drejtoria e ka shumë të qartë, e para punonjësit e kësaj banke duhet të jenë bankierë dhe jo banakierë, do ju lutesha shumë të mos bëni më asnjë ndërhyrje për askënd, sepse nuk funksionon dhe, e dyta, pagat.

Rritja e pagave të kadastrës do të jetë shumë e konsiderueshme sepse punonjësit duhe të paguhen nga shteti dhe jo nga qytetarët dhe për këtë kemi diskutuar dhe përfitoj nga rasti që t'u bëj apel të gjithë atyre që janë profesionistë në ato profesione që kadastra kërkon që të aplikojnë sepse realisht janë të domosdoshëm. Brenda kadastrës ka njerëz që e dinë punën dhe shpresoj që një pjesë e tyre të mbeten kush do të ikë do jetë i falënderuar se po shpëtojmë prej tij, kush të qëndrojë do të vazhdojë trajnimet dhe kualifikimet”, tha Rama./ CNA





Lajmet e fundit nga