web counter
LEXO PA REKLAMA!

SHKARKO APP

App Store
Google Play

Komisioneri Publik ankimoi vendimin e KPK për kreun e KLP-së/ Reagon Alfred Balla: U habita

30 Qershor 2023, 15:57, Aktualitet CNA

Komisioneri Publik ankimoi vendimin e KPK për kreun e KLP-së/ Reagon

Komisioneri Publik ka ankimuar vendimin e KPK-së për subjektin e rivlerësimit, Alfred Balla, Kryetar i Këshillit të Lartë të Prokurorisë.

Pak më parë, Alfred Balla ka reaguar për ankimimin e Komisionerit Publik.

Kreu i KLP-së ka deklaruar se kjo procedura e vettingut për të duhej pushuar që para 5 vitesh, pasi ai është shkëputur nga Gjykata e Lartë.

“Ju sqaroj shkurt në lidhje me ankimin që ka ushtruar Komisioneri Publik F.Ballhysa ndaj vendimit të KPK-së dhënë para disa ditësh për mua. Ajo ka qenë një procedurë e mbetur “pending” në zyrat e vetingut dhe duhej pushuar që para 5 vitesh kur ju drejtova me shkresë KPK-së. Unë jam shkëputur përpara 6 vitesh nga Gjykata e Lartë që kur isha Këshilltar Ligjor dhe u lirova nga detyra pasi përfundoj mandati i gjyqtarit me të cilin punoja. Pra s’duhet formim juridik të kuptosh që me largimin tim ligjor dhe jo dorëheqje nga Gjykata e Lartë, procedura e vetingut si këshilltar, duhej të pushohej pa një vendim përfundimtar pasi s'ka më objekt shqyrtimi dhe unë nuk gëzoj statusin e këshilltarit. Kur kam filluar në KLP si i zgjedhur nga Kuvendi, si përfaqësues i shoqërisë civile, kisha 15 muaj që isha shkëputur nga puna. Vendimarrja e KPK-së edhe pse e vonuar është e drejtë. Ankimi i ushtruar nga Komisioneri më habiti pasi praktikat e tij me mosankim në raste analoge si psh M.Xhaferllari, D.Gjunkshi, etj., nuk lënë vend për të ushtruar ankim”, ka theksuar Balla./ CNA.al





Lajmet e fundit nga