Dekriminalizimi/ Çela raporton në Kuvend: Janë regjistruar 111 procese të verifikimit

3 Korrik 2023, 12:35, Aktualitet CNA

Dekriminalizimi/ Çela raporton në Kuvend: Janë regjistruar

Kryeprokurori i Përgjithshëm, Olsjan Çela, ka raportuar në Kuvend në lidhje me Dekriminalizimin duke thënë se për vitin 2022 janë regjistruar 111 procese të verifikimit të plotë të të dhënave të formularëve të vetëdeklarimit të subjekteve të këtij ligji, si vijon:

- 59 (pesëdhjetë e nëntë) nga Departamenti i Administratës Publike;

- 3 (tri) nga Komisioni Qendror i Zgjedhjeve,

- 24 (njëzet e katër) nga Këshilli i Lartë Gjyqësor;

- 24 (njëzet e katër) nga Këshilli i Emërimeve në Drejtësi;

ii) Ndërkohë, niveli hierarkik i subjekteve sipas funksioneve publike që ushtrojnë, për të cilët është kërkuar verifikimi i thelluar sipas ligjit paraqitet si më poshtë:

- për 52 (pesëdhjetë e dy) subjekte, “Zyrtar i Lartë”;

- për 19 (nëntëmbëdhjetë) subjekte, “Nivel Ekzekutiv”;

- për 21 (njëzet e një) subjekte, “Nivel Drejtues”;

- për 19 (tetëmbëdhjetë) subjekte, “Nivel i Mesëm Drejtues”.

iii) Nga këto kërkesa për verifikim të plotë të regjistruara më vitin 2022, rezulton se: për 76 kërkesa ka përfunduar procesi i verifikimi të thelluar, ndërsa për 35 kërkesa, procesi i verifikimit ka vijuar për vitin 2023.

iv) Nga totali i kërkesave të mësipërme të regjistruara, në vitin 2022 janë përfunduar dhe vijojnë në proces përgjatë këtij viti, sipas organeve kompetente, siç janë:

Të përfunduara Në Proces

1. Departamenti i Aministratës Publike 27 32

2. Komisioni Qendror i Zgjedhjeve 0 3

3. Këshilli i Lartë Gjyqësor 24 0

4. Kuvendi 1 3

5. Këshilli i Emërimeve në Drejtësi 24 0

TOTAL 76 35

Shkaku kryesor i mospërfundimit dhe vijimit edhe për vitin 2023 të të gjitha proceseve të verifikimit të të dhënave në formularët e vetëdeklarimit, vazhdon të jenë vonesa në kthimin e përgjigjeve, për informacionin e kërkuar, nga autoritetet e huaja policore dhe gjyqësore, si dhe mungesa e një regjistri të shtetasve shqiptarë të dënuar jashtë vendit në zbatim të nenit 29 të ligjit nr.10193/2009 “Për marrëdhëniet juridiksionale me autoritetet e huaja në çështjet penale”, i ndryshuar.