web counter
LEXO PA REKLAMA!

SHKARKO APP

App Store
Google Play

3 vjet në heshtje/ Basha kujtohet sërish për inceneratorët

18 Korrik 2023, 20:17, Politikë CNA

3 vjet në heshtje/ Basha kujtohet sërish për inceneratorët

Lulzim Basha, kandidati për kryetar i PD-së së vulës, është kujtuar sërish për aferën e inceneratorëve.

Basha foli dhe denoncoi inceneratorët në shtator të 2020-ës, por më pas e kaploi heshtja dhe për 3 vjet nuk u dëgjua të artikulojë më megaaferën e shekullit.

Tashmë që çështja po denoncohet me forcë dhe është në qendër të vëmendjes së mediave, humbësi serial i opozitës kaq filluar të flasë për inceneratorët.

Në një statusi në rrjetet sociale, ku ka publikuar foto nga takimi në Laç, Basha thotë se SPAK nuk duhet të ndalet, por duhet t’i shkojë deri në fund aferës korruptive.

“Përballja pakompromis me korrupsionin, pastrimi i politikës, dhënia fuqi qytetarëve të zgjedhin me votë përfaqësuesit e tyre në Parlament, vota e emigrantëve janë udhërrfyesi ynë në rrugën që kemi nisur për çlirimin e politikës dhe ekonomisë.

Një Shqipëri e çliruar nga korrupsioni që kërcënon mirëqenien e familjeve shqiptare, i cili është ulur këmbëkryq në zyrat e qeverisë, siç dëshmon afera e Inceneratorëve, është prioritet sot i çdo qytetari të këtij vendi.

SPAK nuk duhet të ndalet, por duhet t’i shkojë deri në fund aferës prej 430 milionë euro të Inceneratorëve, sepse njeriu që mban bashkë fijet e krimit dhe korrupsionit është Edi Rama. SPAK nuk duhet të hezitojë të çojë para drejtësisë këdo që ka abuzuar me besimin e shqiptarëve me paratë e tyre.

Ndiq paranë por dhe lidhjet me krimin është thelbi i vetting-ut të politikanëve. Vetëm kështu para shqiptarëve do të tregohet kush është i pastër e kush jo. Të gjithë pa përjashtim duhet t’i nënshtrohen hetimit pasuror dhe të lidhjeve me krimin", shkruan ai./ CNA.al





Lajmet e fundit nga