LEXO PA REKLAMA!

SHKARKO APP

Zgjedhjet e së dielës në Rrogozhinë/ Veliaj: Do të marrim fitoren e merituar!

18 Korrik 2023, 12:11, Politikë CNA

Zgjedhjet e së dielës në Rrogozhinë/ Veliaj: Do të

Të dielën, më 23 korrik, pritet të zhvillohen zgjedhjet për kryetarin e Bashkisë së Rrogozhinës.

Kreu i Bashkisë Tiranë, Erion Veliaj, në takim me Asamblenë Socialiste të Rrogozhinës u kërkoi qytetarëve që të votojnë kandidatin e PS për këtë bashki, Edison Memollën. 

Veliaj nuk la pa atakuar as kandidatin e "Bashkë Fitojmë", Shkëlqim Hoxhën, për të cilin kujtoi se i përket një partie, lideri i të cilit tha se e trajton bashkinë si plaçkë.

Ai solli në vëmendje dhe Bashkinë Kavajë për të cilën tha se nuk po kujtohet njeri që ta pastrojë.

Madje Veliaj tha dhe se Meta e Berisha janë zënë me njëri-tjetrin.

"Skuadra sot ka besim është e vendosur. Fushata jonë ka besim, energji pozitive dhe do të ketë fitore të dielën tjetër. Kam takuar shumë njerëz nga Rrogozhina, kam takuar të rinj që më thoshin që mendonin se vota e tyre nuk vlen, por në të vërtetë vota e tyre vlen shumë dhe organizimi i rinisë ka qenë i jashtëzakonshëm. Të rinjtë janë aty pasi kanë dinjitet. Do ta çojnë përpara emrin e tyre dhe të gjithë Rrogozhinës. Derisa ta fitojmë këtë betejë ju ftoj të gjithëve të mos pushoni asnjë sekondë. Ta bëjmë natën ditë dhe do të kemi rezultat nëse vazhdojmë me të njëjtën energji. Shikoni Kavajën çfarë po i ndodh tani, Saliu vet fitoi pushimet, Saliu vetë është në Lalëz, por Kavajën nuk po e pastron njeri. Ilir Meta është në Lalëz, por është zënë dhe me Saliun sepse ata e trajtojnë një bashki si plaçkë për të futur sherr. Kur jemi në një parti dhe punojmë për të njëjtat projekte qytetet shkojnë përpara", u shpreh kreu i Bashkisë së Tiranës.

Ishte Kolegji Zgjedhor, ai që vendosi ripërsëritjen e zgjedhjeve në Bashkinë Rrogozhinë.

Në zgjedhjet lokale të 14 majit, në Bashkinë Rrogozhinë triumfoi socialisti Edison Memolla me 21 vota diferencë nga kandidati i koalicionit ‘Bashkë Fitojmë’, Shkëlqim Hoxha.

 

 

Lajmet e fundit nga