web counter
LEXO PA REKLAMA!

SHKARKO APP

App Store
Google Play

E fundit!

x

Raporti për "non-grata"-n/ Sfidon Berisha: Nëse del një provë largohem nga politika

17 Korrik 2023, 12:29, Politikë CNA

Raporti për "non-grata"-n/ Sfidon Berisha: Nëse del një

Kreu i PD-së, Sali Berisha, gjatë një konference për mediat ka paraqitur raportin për "non-grata"-n nga Home Office britanik.

Berisha tha se raporti paraqet të vërtetat, pasi sipas tij, DASH nuk ka asnjë provë e fakt për shpalljen e tij "non-grata".

Madje, ai sfidoi se nëse do të paraqesin një provë të vetme kundër tij dhe shpalljes "non-grata" do të largohet nga politika.

“Në faqen e këtij raporti paraqiten të gjitha të vërtetat. Nga errësira vjen dritë. Korrupsioni transnacional del në dritë me fakte tronditëse për shkallën dhe nivelin e korrupsionit që qëndron pas këtij vendimi.

Qëllimi i këtij raporti nuk është pafajësia ime, pasi këtë pafajësi e ka provuar periudha dyvjeçare, gjatë së cilës kryediplomati i botës nuk nxori asnjë fakt, provë apo dokument. Kjo nuk ndodhi sepse po e kursejnë Sali Berishën, por sepse nuk ka asnjë të vërtetë në atë vendim.

Sfida ime është e hapur: paraqisni një provë të vetme dhe unë largohem nga politika.

Pse i paraqesim këto materiale këtu? Këtë material po e publikoj se çdo shqiptar duhet të kuptojë se çfarë po ndodh me kombin e tij. Kushdo që do ta lexojë do kuptojë një të vërtetë të tmerrshme, e cila u pa qartë në shpërthimin e skandalit McGonigal, në grabitjen e vulës së PD-së në prag të zgjedhjeve me insistimin e McGonigalit me fustan, guvernatores Yuri Kim, kjo e vërtetë u pa në farsën elektorale të vitit 2023. Opozitës shqiptare po i bëhet një sulm i hapur për asgjësimin e saj.

Këtë sulm ndaj opozitës po e organizon vetë kryeministri Edi Rama dhe bashkë me të, mafia më e rrezikshme e planetit, mafia e Sorosit”, u shpreh Berisha./ CNA.al





Lajmet e fundit nga