E fundit!

07:18 Aktualitet

Këshilli i BE-së miraton sot heqjen e tarifave roaming me vendet e Ballkanit Perëndimor

Këshilli i Bashkimit Europian pritet të miratojë ditën e e...

Agron Kapllanaj merr qokën e radhës/ Përfiton tenderin 2 milionë euro

16 Korrik 2023, 14:35, Politikë CNA

Agron Kapllanaj merr qokën e radhës/ Përfiton tenderin 2

Kandidati i PD-së së vulës për Mallakastrën në zgjedhjet e 14 majit, Agron Kapllanaj, ka marrë një tjetër tender nga Qeveria.

Pas përfundimit të zgjedhjeve lokale, Kompania “Shkëlqimi 07”, me administrator dhe ortak të vetëm Shkëlqim Kapllanajn, vëllain e Agron Kapllanajt, ka përfituar një tender me vlerë 2 milionë euro.

Tenderi është dhënë nga ARRSH-ja për ndërtimin e një nyje lidhëse me autostradën në Bërzhitë.

Kontrata është firmosur më datë 14 korrik dhe objekti konkret i saj është "Ndërtimi i nyjes Bërzhitë dhe rrugës lidhëse të autostradës Tiranë-Elbasan me komunën Bërzhitë dhe zonat për rreth", raporton "Syri TV".

Kështu, Kapllanaj po merr një tjetër qokë nga Rilindja, pasi i shërbeu duke u bërë pjesë e skenarit të PD-së së vulës me daljen si kandidat dhe duke i shërbyer përçarjes.

Kapllanaj i Bashës ka marrë më parë miliona lekë me tenderë. Sipas denoncimeve të bëra nga PD-ja, Kapllanaj ka marrë më shumë se mbi 6 milionë euro në vit nga “Rilindja”.

Nga të dhënat e QKB-së dhe Thesarit të Shtetit, rezulton se nga muaji nëntor 2013 e deri më 31 dhjetor 2020, firma “Shkëlqimi 07” ka marrë afro 32 milionë euro tenderë.

Afro 80% të tenderëve firma “Shkëlqimi 07” i ka marrë në bashkitë dhe entet publike, të zonës Vlorë-Fier-Lushnjë-Berat.

Gjithashtu, CNA ka denoncuar edhe pagesat që Agron Kapllanaj ka marrë nga kompania e inceneratorit të Fierit.

Në 4 shtator 2021 kompania “Shkëlqimi 07” ka nënshkruar një kontratë me “Integrated Technology Waste Treatment Fier”, për kryerjen e punimeve ndërtimore, për një vlerë prej 79 milionë lekësh ose 70 mijë euro.

Por nuk mbyllet vetëm me kaq. Emri i kompanisë së familjarëve të Kapllanajt, ku bën pjesë edhe bashkëshortja e tij, është përfolur dhe akuzuar edhe për rindërtimin në zonën e 5 Majit. Rindërtimi i kësaj zone i është besuar kompanisë “Shkëlqimi 07”, në bashkëpunim me dy kompani të tjera.

Pra, tenderi i dhënë nga ARRSH është qoka e fundit për Agron Kapllanajn./ CNA.al