web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorit të Tiranës/ Thirrja e fortë ndaj SPAK për hetime

15 Korrik 2023, 10:08, Politikë CNA

Afera e inceneratorit të Tiranës/ Thirrja e fortë ndaj SPAK

Kryetari i këshilltarëve të Partisë së Lirisë në Bashkinë e Tiranës, Endrit Braimllari akuzon Erion Veliajn se është  hartuesi, propozuesi dhe njeriu që me firmën e tij në kundërshtim me ligjin ndryshoi fatin e inceneratorit të Tiranës.

Përmes një postimi në rrjetin e tij social Facebook Braimllari kërkon që SPAK të mos heshtë lidhur me këtë aferë.

Braimllari kërkon nga SPAK që të vijojë me hetimet dhe të thërrasë kreun e bashkisë, pasi pagesat për inceneratorin që nuk është në funksion bëhen nga Bashkia Tiranë. 

"Pas refuzimit te propozimit të tij Erion Veliaj si person që di t'i çojë "përpara" këto afera merr përgjegjësi personale dhe në emrin e tij me firmën e tij, i hap rrugë ndërtimit të inceneratorit imagjinar i cili grabit çdo ditë miliona euro nga taksat e qytetarëve të Tiranës. SPAK i ka aty provat të thërasi propozuesin e kësaj skeme, madje dhe insistuesin për të marrë vendime personale në kundërshtim me ligjin", shprehet Braimllari. 

"Propozimi i skemës korruptive të incenaratorit të Tiranës është bërë nga Erion Veliaj. Insistimi i Erion Veliaj dhe pas refuzimit të kërkesës së tij. Firma e Erion Veliaj në kundërshtim me ligjin duke marrë kompetencat e këshillit bashkiak dhe duke marrë tërësisht një vendim përsonal. Anashkalimi i vendimarrjes së këshillit bashkiak si institucioni i vetëm vendimarrës në këtë rast. Pagesat që bëhen çdo ditë nga bashkia e Tiranës për inceneratorin që nuk ekziston në sharrë.
Këto por dhe jo vetëm, janë fakte të mjaftueshme që SPAK të marri nën hetim Erion Veliaj dhe të zbardhi deri në fund aferën më të madhe korruptive në vend", shton ai më tej. 

 





13:22 Politikë

Tabakja e lali Erit

Drejtoi një komision hetimor për inceneratorët, komision, ...

Lajmet e fundit nga