LEXO PA REKLAMA!

SHKARKO APP

Inceneratori i Fierit/ Dështon sërish seanca gjyqësore 

19 Qershor 2023, 17:42, Aktualitet CNA

Inceneratori i Fierit/ Dështon sërish seanca gjyqësore 

Ditën e sotme ishte caktuar të mbahej seanca e radhës për aferën e inceneratorit të Fierit, por kjo seancë ka dështuar.

Ashtu siç ka ndodhur edhe në raste të tjera, sot është shtyrë sërish seanca gjyqësore për inceneratorin e Fierit.

Ky vendim është marrë pasi 12 të pandehurit kanë pretenduar se nuk ishin ende gati për mbrojtjen e tyre.

Ndërkohë, u bë mbrojtja e ish-sekretarit të Ministrisë së Mjedisit, Alqi Bllakos, Florian Muçës dhe Azem Shaterrit.

Në seancë pati debate përsa i përket ndryshimit të akuzave të SPAK. Avokatët e Alqi Bllakos e konsideruan ndryshimin si ekstraligjor dhe në kundërshtim me të gjitha parashikimet ligjore.

Nga ana tjetër, ish-sekretari i Ministrisë së Mjedisit pretendon se ndaj tij po kryhet hakmarrje.

Seanca e radhës do të mbahet më datë 4 korrik.

Kujtojmë se për aferën me inceneratorin e Fierit, SPAK ka kërkuar 10 vite burg për ish-ministrin e Mjedisit Lefter Koka, që me gjykim të shkurtuar konvertohet në 6 vite e 8 muaj burg, 7 vite për Bllakon, që me gjykim të shkurtuar shkon në 4 vite e 8 muaj burg, ndërsa për Klodian Zoton ka kërkuar 12 vite burg që me gjykim të shkurtuar shkon në 8 vite./ CNA.al

Lajmet e fundit nga