web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e Ardian Nikulajt/ Daily Mail: Tre britanikë rrezikojnë 31 vite burg

18 Qershor 2023, 16:54, Aktualitet CNA

Vrasja e Ardian Nikulajt/ Daily Mail: Tre britanikë rrezikojnë 31 vite

Tre britanikë, duke përfshirë një nënë të re, rrezikojnë ta kalojnë pjesën tjetër të jetës së tyre në burg në Shqipëri pasi dyshohen për vrasjen e Ardian Nikuljat, shkruan Daily Mail.

Biznesmeni Ardian Nikulaj, u qëllua 6 herë nga një person i armatosur në prill.

Detektivët shqiptarë pretendojnë se tre britanikë – përfshirë nënën e një vajze shtatëvjeçareje  ishin të përfshirë në krim.

Edmond Haxhia, I cili jeton në Midlands, iu afrua Harriet Bridgeman, Steven Hunt dhe Thomas Mithan për ta ndihmuar atë të zgjidhte një kponflikt që kishte prej vitesh me Nikulajn, shkruhet në artikull.

Qeveria shqiptare kërkon të ekstradojë tre britanikët për t'u gjykuar për vrasje në Shqipëri.

Nëse shpallen fajtorë, ata përballen me një minimum prej 31 vitesh burg. Gjykata e Magjistraturës së Ëestminsterit dëgjoi se të afërmit e Haxhiat dhe Nikulajt ishin në një 'gjakmarrje' që daton që nga të shtënat në një pikë karburanti për para.

Më 25 qershor 1997, në Lezhë, Gëzim Lekstakaj dhe Lorent Gjetja dyshohet se kanë qëlluar me armë zjarri Pëllumb Nikulaj, vëllain e Ardian Nikulajt. Më pas, në shtator të atij viti, Lekstakaj dhe Gjetja u qëlluan për vdekje në një sulm hakmarrjeje, të cilin thuhet se e kishte organizuar Nikulaj.

Në mars të vitit 1999, në një fshat të Shqipërisë, dy anëtarë të familjes Lekstakaj – Gjovalin dhe Pjeter – qëlluan me armë zjarri ndaj Nikoll Nikulajt, xhaxhait të Ardianit.

Në vitin 2007, Shqipëria tentoi të ekstradonte Pjeter Lekstakajn për tentativën e vrasjes së Nikoll Nikulajt, por dështoi.

Avokatët e Lekstakajt argumentuan se ai vuan nga çrregullimi i stresit post-traumatik dhe burgjet shqiptare nuk do të mund ta trajtonin gjendjen. Gjykatësi që dëgjoi çështjen ra dakord.

Bridgeman, Hunt dhe Mithan thuhet se kanë udhëtuar drejt Shqipërisë për të kryer vëzhgimin e Ardian Nikulajt në lokalin e tij, në Shëngjin.

Organizatori mësohet se është Haxhia. Një tjetër burrë, Ruben Saraiva, 27 vjeç, i lindur në Portugali, por banues në Mbretërinë e Bashkuar prej vitesh, është personi i armatosur, beson policia shqiptare.

Seanca dëgjimore e ekstradimit do të mbahet në nëntor./CNA





Lajmet e fundit nga