LEXO PA REKLAMA!

SHKARKO APP

Shënim/ Kamioni me targa serbe apo mallrat shqiptare në Kosovë

17 Qershor 2023, 13:42, Aktualitet CNA
Shënim/ Kamioni me targa serbe apo mallrat shqiptare në Kosovë
Kryeministri i Shqipërisë, Edi Rama dhe kryeministri i Kosovës, Albin Kurti

Një lajm i dirigjuar me komandë nga zyrat e propagandës së Rilindjes, po qarkullon në media, në lidhje me ndonjë kamion me domate me targa serbe, që nga tregu shqiptar ikën drejt Serbisë.

Në fakt, qeveria Kurti ka bllokuar mallrat serbe të hyjnë në Republikën e Kosovës. Prej disa ditësh, kamionët qëndrojnë të bllokuar.

Kështu po ndodh edhe në kufirin me Shqipërinë. Kamionët me mallra dhe targa serbe nuk lejohen të hyjnë.

Në fakt, më shumë sesa një lajm propagandistik kundër Kosovës edhe duke shfryrë ndaj mbështetësve të Kurtit, Shqipëria duhet të bënte një strategji tjetër, të zëvendësonte menjëherë mallrat serbe në tregjet e Kosovës me mallrat shqiptare.

Më shumë sesa të shqetësohej për një kamion me domate me targa serbe, që do të ishte më normale të kishte targa shqiptare, të ishte kompani shqiptare e transportit që të shkonte në Serbi, por gjithsesi zgjidhja është e kompanive private, qeveria shqiptare dhe shteti shqiptar duhet të ngrinin menjëherë strategjitë e furnizimit të Kosovës me mallra shqiptare dhe jo të shqetësohen për targat e kamionëve serbë, të cilët rrëmbejnë policë, kanë vrarë me mijëra fëmijë, janë me mijëra varre dhe trupa njerëzish ende të pagjetur.

Ndërkohë Shqipëria bën propagandë dhe sillet si të ishte Lihtenshtajni, sikur është Zvicra, apo sikur është Brukseli, kur në fakt kishte mundësinë e madhe që këto ditë të zëvendësonte mallrat serbe me mallrat shqiptare në tregjet e Kosovës.

Ky duhet të ishte shqetësimi për qeverinë, jo kamioni me targa serbe se ka disa domate që do të shkojnë në Serbi.

Shqetësimi duhet të ishte se si Shqipëria të furnizojë me sa më shumë mallra të saj Kosovën.

Kjo pasi ndërkohë që Shqipëria qan hallin e targave serbe, Turqia vepron me shpejtësi dhe dyfishon eksportin me Kosovën.

Kjo do të ishte ajo që duhet të bënte edhe qeveria shqiptare më shumë sesa propaganda kundër Kurtit apo kundër disa mbështetësve të tij./ CNA.al

Lajmet e fundit nga