web counter
LEXO PA REKLAMA!

SHKARKO APP

App Store
Google Play

E fundit!

x

Dhuna ndaj gazetarëve kosovarë/ UGSH, thirrje të fortë autoriteteve

16 Qershor 2023, 17:00, Aktualitet CNA

Dhuna ndaj gazetarëve kosovarë/ UGSH, thirrje të fortë

Unioni i Gazetarëve Shqiptarë ka reaguar për dhunën e ushtruar ndaj gazetarëve dhe operatorëve kosovarë në Leposaviç nga protestues serbë.

Me anë të një deklarate për mediat, UGSH deklaron se sulmi barbar mbi gazetarët është një akt i rëndë ndaj fjalës së lirë që sjell pasoja.

UGSH thotë se mes agresorëve spikasin persona me precedentë penalë, ndaj u kërkon autoriteteve të Kosovës dhe Beogradit të ndalojnë sulme të tilla.

“Raportimi i kolegëve, se operatori i RTK-së pas sulmimit është përplasur në tokë dhe goditur nga një grup agresorësh, shënon kulmin e agresionit fizik ndaj gazetarëve, në zonat ku jeton pakica serbe në Kosovë. Konstatojmë me brengosje se mes agresorëve ndaj punonjësve të medias, spikasin persona me precedentë penalë.

UGSH kërkon nga autoritetet zyrtare të Kosovës, por veçanërisht nga ato të Beogradit, të ndalojnë urgjent agresione të tilla të importuara në zonat e komunave të pakicës serbe. Ne i kërkojmë autoritetit më të lartë të Serbisë, Presidentit serb Aleksandër Vuçiç të ushtrojë gjithë autoritetin e ndikimit të vet mbi falangat ekstremiste e nacionaliste serbe, mbi agresorë të tillë, të tërhiqen urgjentisht nga akte dhe precedentë të tilla që synojnë pengimin, dhunimin dhe cencurimin e së drejtës raportuese dhe informuese të reporterëve në terren dhe që ka të bëjë me një territor tjetër, atë të republikës së Kosovës”, thekson ndër të tjera deklarata.

UGSH kërkon nga organizatat e gazetarëve në Serbi të reagojnë menjëherë në solidaritet me kolegët e tyre në Kosovë.

“Kërkojmë nga rrjetet e organizatave të gazetarëve në rajonin e Ballkanit Perëndimor dhe ato në vendet e BE, të denoncojnë këto akte dhe të ushtrojnë presionin e domosdoshëm për ndalimin dhe vënien para përgjegjësisë ligjore të të gjithë agresorëve dhe urdhërdhënësve të tyre”, nënvizon UGSH./ CNA.al





Lajmet e fundit nga