Zbulohet skema/ E vërteta e lidhjes së Alma K. me Gjicin dhe videos erotike

19 Qershor 2023, 11:28, Aktualitet CNA

Zbulohet skema/ E vërteta e lidhjes së Alma K. me Gjicin dhe videos

CNA ka hulumtuar dhe ka zbuluar detaje te reja ne lidhje me Alma K., dhe historinë e saj me Safet Gjicin.

CNA ka zbuluar se Alma K., në shoqatën e saj dhe në aktivitetin që bën për mbrojtjen e kafshëve, ka dhe një bashkëpunim me shtetasin Artur H., ku së bashku janë përkujdesur për mbrojtjen e kafshëve të rrugës në Bahskinë Kavajë.

Gjithashtu kanë mundur të sigurojnë furnizim në një nga resortet më të mira në Golem, mbetjet e të cilit Alma dhe bashkëpunëtori i saj i merrnin për të ushqyer qentë në Kavajë.

Është e njëjta situatë edhe në Kukës. Një projekt, i cili i është dorëzuar Safet Gjicit për të marrë fonde.

Videoja e publikuar ka vetëm aktin, nuk ka pjesën tjetër të bisedës që Alma ka bërë me Safet Gjicin, e cila në të vërtetë zbulon dhe skemën e asaj që ka ndodhur në zyrën e kryebashkiakut të Kukësit.

Pra, nga ajo që pretendon se është një gazetare dhe që thotë se nuk e ka nxjerrë vetë videon, por e ka filmuar sepse donte të kishte një akt për ta mbajtur mend, duket se e vërteta është krejt tjetër.

Nuk ka një njohje të vjetër dhe gjithçka kalon nga një projekt për të cilën flitet në pjesën tjetër të videos që ende nuk është publikuar.

Pra dhe vetë Safet Gjici ka gënjyer publikisht, por dhe vetë Alma K., e cila pretendon se është një "gazetare", por në fakt qëndron si një bashkëpunëtore në Top Channel dhe media për të bërë kamera të fshehta.

Edhe Gjici edhe Alma K. kanë gënjyer të dy publikisht.

E vërteta e takimit të tyre është një projekt. Pastaj se çfarë ka ndodhur dhe si është zhvilluar gjithçka deri në aktin që ka dalë në rrjete sociale është ende në proces hetimi për të gjetur dhe autorin e publikimit të asaj videoje.

Por e vërteta është se nuk ka një histori dhe lidhje të gjatë. Gjithçka fillon pas një projekti që Alma K., ka marrë te profesor Sazan Guri, të cilin pasi e ka marrë ka shkuar në Kukës për të zhvilluar dhe siguruar fonde.

Ajo njihet si një aktiviste dhe ka një shoqatë në lidhje me mbrojtjen e kafshëve. Ka zhvilluar një projekt në Kavajë, ka shkuar në Pogradec dhe më pas është paraqitur me projektin e saj në Kukës, ku dhe ka ndodhur ngjarja, e cila bëri bujë në 2-3 ditët e fundit në të gjitha rrjetet sociale./CNA.al