LEXO PA REKLAMA!

SHKARKO APP

Vera e vonuar, por jo krizë energjetike/ Fierza, me prurjet më të larta që prej tri dekadash

19 Qershor 2023, 13:37, Aktualitet CNA
Vera e vonuar, por jo krizë energjetike/ Fierza, me prurjet më të
Foto ilustruese

Reshjet në vend kanë tejmbushur kaskadën e liqenit të Fierzës. Vera e vonuar duket se do të vijë me një situatë shumë të mirë energjetike në vend, duke shmangur edhe krizën e paralajmëruar energjetike nga qeveria.

Kështu, nëse një muaj më parë flitej për krizë energjetike, për ndryshim fashash, duket se reshjet e fundit kanë përmirësuar ndjeshëm situatën.

CNA ka siguruar informacion zyrtar në lidhje me prurjet, nivelin dhe prodhimin e energjisë për vitin 2023. Kështu, në bazë të informacionit, prurjet mesatare në liqenin e Fierzës për 6-mujorin e parë të vitit 2023 janë rreth 250 m3/s ose 8% më të larta se mesatarja shumëvjeçare (1986-2022).

Ndërsa në krahasim me një vit më parë, prurjet e vitit 2022 ishin 170 m3/s ndërsa viti 2023 është me rreth 47% më të larta për të njëjtën periudhë.

Sipas informacionit, rezulton se tashmë nëse në fillim të vitit 2023 rezervat energjetike ishin 1193 GWh, me datë 16 qershor rezervat janë 1424 GWh, madje në shkresë thuhet se gjatë vitit, përveç prodhimit dhe administrimit të prurjeve janë akumuluar 231 GWh./CNA

Lajmet e fundit nga