LEXO PA REKLAMA!

SHKARKO APP

Dako u arrestua, të tjerë në radhë, asgjë nga inceneratori i Tiranës

8 Qershor 2023, 14:27, Aktualitet CNA
Dako u arrestua, të tjerë në radhë, asgjë nga
Foto ilustruese

SPAK-u njoftoi se kishte ngritur akuzën dhe qe dhënë vendimi nga gjykata për arrestimin, pra ndalimin e ish-kryebashkiakut të Durrësit, Vangjush Dako.

Nga ana tjetër, letra zyrtare po hetohen në lidhje me afera korruptive, çështje lejesh, tenderë e kështu me radhë. Një tjetër zyrtare u arrestua pak ditë më parë. Vlera që iu gjet ishte diku te 300-400 mijë lekë të rinj. Nga ana tjetër qëndron inceneratori i Tiranës.

Dy inceneratorët e tjerë, të cilët janë të faktuar që nuk punojnë, janë jashtë funksionit dhe ende nuk janë në eficiencë, pa llogaritur kostot e larta që kanë, po vazhdojnë proceset gjyqësore me gjykime të shkurtuara, me akuza të lehta.

Ende nuk është ngritur akuza e grupit të strukturuar kriminal që në Fier dhe në Elbasan e ka dëmin me dhjetëra miliona euro.

Pa folur për paratë e korrupsionit që janë gjetur në skemën që ka zbatuar Klodian Zoto, Stela Gugallja me “trurin” e tyre, Mirel Mërtirin, dhe asgjë e re nga inceneratori i Tiranës.

Prej tri vitesh ka disa padi në lidhje me trajtimin e mbetjeve në Tiranë, mbi personat e përfshirë dhe një kontratë të firmosur në vitin 2017.

Sot pas 6 vitesh inceneratorë në landfillin e Tiranës nuk ka, nuk ekziston, qe kompania koncensionare vetëm nga qeveria shqiptare së fundi merr rreth 15 milionë dollarë në vit me transfertat e pakushtëzuara që kanë qenë më parë rreth 10 milionë dollarë, por tashmë i është shtuar Durrësi, Kavaja dhe Vora.

Janë mbi 100 milionë dollarë të marra nga kompania e inceneratorit të Tiranës, ku nuk ekziston inceneratori sot pas 6 vitesh, e në fakt sipas kontratës koncensionare ai duhet të ishte ndërtuar dhe kompania duhet të kishte rreth 125 milionë dollarë për të investuar ashtu siç ka deklaruar me ofertën që i ka dorëzuar qeverisë shqiptare.

Kompania nuk i ka këto para dhe nuk i ka bërë këto investime pa folur më tej që është shkelur ligji i koncensioneve, i cili ndalon katërcipërisht ndryshimin e aksionerëve vetëm në rastin kur ajo është në bursë.

Kompania e inceneratorit të Tiranës, të landfillit të Tiranës, nuk është një kompani në bursë dhe ka ndryshuar disa herë aksionerët.

E themeluar nga Klodian Zoto dhe një kompani e huaj, më pas kalon te Giuseppe Ciaffaglione dhe tani së fundi dalin disa emra të tjerë për disa shitje dhe transaksione të bëra gati një vit më parë.

SPAK-u arreston zyrtarët për qindarkat. Inceneratorët që marrin miliona euro, sidomos ai i Tiranës, ende nuk ka një akuzë, nuk ka persona të akuzuar.

Kush janë ata që e kanë ngritur skemën? Që kanë çuar ofertën e pakushtëzuar? Që kanë çuar kontratën? Që bëjnë transaksione? Që shesin dhe blejnë aksionet e kompanisë nga personat e tretë, ku është e ndaluar kontrata nga ligji i koncensioneve dhe akuzë s’ka?

Por shqiptarëve u hidhet një propagandë nga SPAK-u, zyrtarja merr 300 mijë lekë të rinj, Vangjush Dako merr leje para 10 vitesh e zyrtarë të tjerë, pa folur këtu për çështje që janë dhe të parashkruara, sepse u kanë ikur afatet ligjore për shkak të vonesave.

Në fakt, shqiptarët, atë që presin nga çështjet e nxehta, është inceneratori i Tiranës, i cili ka një kontratë koncensionare prej 430 milionë dollarësh, por me vlera reale të llogaritura nga gazetarët dhe ekspertët shkon rreth 750 milionë dollarë, një vlerë për të cilën dhe kontratën e firmosur dikush duhet të mbajë përgjegjësi.

Së pari, inceneratori nuk ekziston edhe pas 6 vitesh. Së dyti, kompania koncensionare ka ndryshuar disa herë aksionerë. Së treti, fondet që janë përdorur për propagandë për sulm dhe shantazh ndaj medias që ia ka denoncuar këtë aferë dhe kështu me radhë.

SPAK-u po hedh shashka po ende nuk e ka shpërthyer bombën që ka emrin koncensioni i landfillit të Tiranës./ CNA.al

 

Lajmet e fundit nga