web counter
LEXO PA REKLAMA!

SHKARKO APP

App Store
Google Play

Denoncimi: Në landfillin e Sharrës ka vetëm groposje, inceneratori i Tiranës paguhet dyfish

17 Janar 2023, 20:52, Denoncim CNA
Denoncimi: Në landfillin e Sharrës ka vetëm groposje,
Inceneratori i Tiranës

Një tjetër denoncim është bërë për inceneratorin e Tiranës, pas monitorimit të Monika Kryemadhit të një qeseje fosforeshente me mbeturina.

Ka qenë kryetari i PL-së, Ilir Meta, ai i cili deklaron se është e provuar botërisht se në landfillin e Sharrës ka vetëm groposje.

Me anë të një statusi në rrjetet sociale, Meta thotë se kompania e inceneratorit të Tiranës paguhet dyfish në kurriz të qytetarëve të Tiranës, ndërsa përgjegjës për këtë bën kryeministrin Edi Rama dhe kryebashkiakun Erion Veliaj.

“Mega-Firma e paligjshme që i dha jetë veprës korruptive të inceneratorit të Tiranës, është e Erion Veliajt, pa mbledhur Këshillin Bashkiak dhe duke shkelur ligjin e pushtetit lokal.

Me këtë firmë të paligjshme, Erion Veliaj i ka futur në borxh të gjithë qytetarët e Tiranës për 30 vite në shërbim të mafias të inceneratorëve.

Është e provuar botërisht se në landfillin e Sharrës ka vetëm groposje si në Bushat të Shkodrës, por këtu kompania offshore e lidhur me Edi Ramën paguhet dyfish në kurriz të qytetarëve të Tiranës të cilët vidhen pacipësisht nga banda që qeveris përmes mashtrimeve dhe kapjes së shtetit. 

Në Sharrë nuk ka incenerim, as diferencim, as riciklim por ka vetëm groposje primitive dhe hajdutëri pakufi!

Kemi qartazi një organizatë kriminale të drejtuar nga Edi Rama dhe Erion Veliaj, të cilët duhet të dalin të dy para drejtësisë!”, shkruan Meta./ B.A. - CNA.al





Lajmet e fundit nga