LEXO PA REKLAMA!

SHKARKO APP

Motrat e reja s’mund të lëvizin nga sëmundja e muskujve/ Qytetarët sensibilizohen

13 Janar 2023, 21:58, Denoncim CNA

Motrat e reja s’mund të lëvizin nga sëmundja e muskujve/

Në 29 Shtator 2022 emisioni investigativ “Stop” në Tv Klan transmetoi rastin e 2 motrave në Lushnje Desiana dhe Xhuliana Bali. Ato e kanë të pamundur lëvizjen për shkak të paaftësisë muskulare.

Desiana Bali, 20 vjeç, tha se që prej vitit 2011 ka humbur këmbët dhe nuk mund të lëvizë. Ato jetojnë në kat të dytë dhe e kanë shumë të vështirë ngjitjen dhe zbritjen me karrocë. Sëmundja ia preu në mes Desianës ëndrrën për t’u bërë gazetare.

“Stop” atë ditë u dhuroi një motor elektrik dy motrave me paaftësi fizike dhe u rikthye sërish pasi 2 biznese kanë menduar për to.

“Terziu Light” i dhuron një abazhur me pult dhe 850 mijë Lekë të vjetra të mbledhura nga Berber Leni dhe klientët e tij.

Xhemal Terziu: Pashë në emisionin tuaj për vajzat në fjalë dhe mendova të bëj diçka ndryshe për t’i ndihmuar sadopak vajzat me këtë abazhurin këtu që mund të ndizet dhe fiket falë një telekomande pa luajtur nga vendi.

Berber Leni: Pamë emisionin “Stop” dhe vendosëm këtë kutinë këtu për 2 vajzat nga Lushnja. Deri tani janë mbledhur 850 mijë Lekë dhe dua të falënderoj të gjithë klientët e “Berber Leni” nëpërmjet emisionit “Stop”./tvklan.al

Lajmet e fundit nga