web counter
LEXO PA REKLAMA!

SHKARKO APP

App Store
Google Play

E fundit!

x

Tentakulat e krimit në politikë dhe drejtësi/ “Zbërthehet” Altin Dumani

10 Prill 2023, 22:43, Kronika CNA
Tentakulat e krimit në politikë dhe drejtësi/
Kreu i SPAK, Altin Dumani

Kreu i SPAK, Altin Dumani ka folur për tentakulat e grupeve kriminale shqiptare me politikën dhe drejtësinë, si dhe institucionet shtetërore.

Në një intervistë për “La Republica”, Dumani tha se klanet shqiptare po përpiqen të dobësojnë forcën e ligjit e në këtë mënyrë po krijojnë lidhje me intitucionet dhe politikën.

Ai deklaroi se këto lidhje janë një fenomen shqiptar dhe nuk është rastësi që në vendin tonë është ndërmarrë një reformë e gjerë në sistemin gjyqësor.

Pjesë nga intervista:

A mund të konsiderohet korrupsioni në Shqipëri një armë në favor të klaneve, me të cilën përfitohen përfitime “institucionale”?

Altin Dumani: Klanet shqiptare, si çdo grup tjetër kriminal, përpiqen të dobësojnë forcën e ligjit dhe për këtë qëllim përpiqen vazhdimisht të krijojnë lidhje me institucionet nëpërmjet ryshfetit apo shantazhit. Në Shqipëri jemi përballur me këtë fenomen sigurisht shqetësues dhe është një nga prioritetet e punës së SPAK-ut. Gjatë hetimeve që kemi kryer janë konstatuar disa raste ku anëtarë të krimit të organizuar kanë rekrutuar apo korruptuar punonjës policie të ndryshme.

Në çfarë nivelesh ka arritur korrupsioni?

Altin Dumani: Korrupsioni është një fenomen shqetësues për vendet në tranzicion dhe Shqipëria nuk mund ta shmangë këtë problem. SPAK e konsideron thelbësore për funksionimin e shtetit ligjor luftën kundër korrupsionit të zyrtarëve të lartë të shtetit dhe një nga prioritetet kryesore të punës së tij. Që nga themelimi i tij SPAK ka sanksionuar disa magjistratë, prokurorë, oficerë policie, kryetar bashkie dhe ish-kryetar bashkie, një zëvendësministër, një ish-prokuror të përgjithshëm, një ish-ministër të brendshëm për krime korrupsioni ose shpërdorim detyre dhe aktualisht ka arrestuar një ish-ministër dhe një deputet të Kuvendit të Shqipërisë.

A ka politikanë apo magjistratë, pra, që bashkëpunojnë me krimin e organizuar në Shqipëri?

Altin Dumani: Lidhjet e krimit me politikën, përfshirë drejtësinë, janë një fenomen shqiptar dhe nuk është rastësi që në vendin tonë është ndërmarrë një reformë e gjerë në sistemin gjyqësor./ CNA.al





Lajmet e fundit nga