LEXO PA REKLAMA!

SHKARKO APP

App Store
Google Play

Altin Dumani po drejton karrocën e Dylit!

1 Maj 2023, 13:58, Editorial CNA
Altin Dumani po drejton karrocën e Dylit!
Kreu i SPAK, Altin Dumani

Kreu i SPAK-ut, Altin Dumani, erdhi si një emër i fortë, i vërtetë dhe i ashpër në luftën kundër korrupsionit në krye të SPAK-ut.

Humbi garën e parë, përballë një njeriu me mbështetje politike, zëvendësoi Arben Krajën.

Altin Dumani po drejton karrocën e Dylit!
Arben Kraja dhe Altin Dumani

Pritshmëritë nga Dumani janë më të mëdha se të Krajës. Kraja, në vitet që drejtoi SPAK-un, përtej “sukseseve” të tij, regjistron më shumë dështime. Dështime, pasi asnjë nga çështjet nuk është çuar në fund, sidomos megaafera e shekullit, siç është ajo e inceneratorëve. Me vajtjen e Dumanit dosja fle gjumë?!

Altin Dumani erdhi me mbështetjen e amerikanëve. Ambasada e SHBA-së dhe vetë ambasadorja Yuri Kim kishin pritshmëri shumë të mëdha për Altin Dumanin.

Patjetër se qeveria amerikane ka shpenzuar qindra miliona dollarë të qytetarëve të saj për Reformën në Drejtësi në Shqipëri dhe nuk mund të pranojnë kurrsesi që ai të jetë një dështim.

Altin Dumani po drejton karrocën e Dylit!
Ambasadorja Yuri Kim

Pavarësisht akuzave politike Reforma në Drejtësi nuk është ajo që pritej, edhe SPAK-u që ka në krye Altin Dumanin, që duket se drejton këtë të fundit, sikur nget karrocën e Dylit. Me aferën e shekullit nuk po kryen hetime dhe t'i thellojë ato, por vetëm artikulon justifikime. 

Historinë e karrocës së Dylit e dinë shumë, por Altin Dumani nuk mund të jetë drejtuesi i karrocës së Dylit, ai duhet të drejtojë SPAK-un.

Pak javë më parë doli dhe na tha se po kërkonte pronarët e inceneratorëve.

Ata me letra i ka në QKB. Për Mirel Mërtirin, Klodian Zoton dhe Stela Gugallen, letrat i kanë vartësit e tij. Letrat i ka dhe ai vetë. Një ministër e ka pas prangave.

Po kontrollon një ish-zëvendëskryeministër. Të gjitha veprimet i ka mjaft të çuditshme pasi ka një ngadalësi të madhe dhe një pasaktësi të dukshme në hetim, sepse këtë e nxori zbuluar vetë administratori i inceneratorit të Tiranës, landfillit, i cili tha se SPAK-u nuk kishte shkuar, nuk kishte bërë veprime aty. Dumani si ka thelluar hetimet, por po bën sehir si të jetë karrocier në shëtitje.

Ndërkohë që ka një kallëzim, ndërkohë që kanë dalë dokumente që tregojnë se atje u punësua babai i Alqi Bllakos. Ka të bëjë me korrupsion.

Nga ana tjetër, emrat e kompanisë mëmë të inceneratorëve lëvizin. Shiten aksione, bëhen kontrata fiktive shitjesh, para me të pritur, shitje me kusht e të tjera si këto. Ka ndodhur që nga fillimi i kompanisë dhe më tej.

Janë dokumente që merren lehtësisht në Holandë, që lehtësisht gjenden në QKB, dhe lehtësisht personat që e kanë ndërtuar këtë strukturë mund të vendosen para ligjit dhe lehtësisht për shkak të shkeljeve të kontratës, shqiptarëve mund t'u shpëtohen dhjetëra miliona euro, të cilat merren nga një kompani, e cila do të ndërtonte një incenerator, ka firmosur një kontratë në 2017 dhe sot në 2023-shin, incenerator nuk ka.

Deklarohet 29 euro/ ton, 10 milionë dollarë nga transferta e pakushtëzuar çdo vit, për këtë kompani, vetëm për Bashkinë e Tiranës, pa folur për milionat e dollarëve që jepen nga Kavaja, Durrësi, Vora, pa folur për milionat e dollarëve që gjenerohen nga biznesi privat, pasi kompania, edhe pse në fazë investimi në 5-6 vitet e para pretendon se ka fituar rreth 30 milionë dollarë apo ka investuar po kaq, ndërkohë që nuk i ka pasur këto shuma nëpër banka, por po i kërkon tani këto para. 

Të ardhura vjetore mbi 25 milionë dollarë në vit. Kontrata 430 milionë dollarë po shkon 800 milionë të ardhura, por çmimi paguhet njësoj dhe incenerator nuk ka.

Altin Dumani nuk mund të ngasë karrocën e Dylit, por duhet të drejtojë SPAK-un. Ashtu siç i thamë dje në një editorial, se ai nuk mund të hajë gjizë për t'u bërë esëll, ai duhet të jetë esëll dhe i fortë se ka gjithë mbështetjen për të zbardhur aferën e shekullit.

Ai nuk mund të bëjë lojëra procedurale apo të qajë hallet e arbitrazheve. Ai nuk mund të bëjë sikur nuk e di se SPAK-u dekonspiroi të gjithë hetimin për inceneratorët pasi Mirel Mërtiri, Stela Gugallja, Klodian Zoto dhe Guiseppe Ciaffaglione dinin gjithçka që ndodhte në SPAK dhe të gjithë u arratisën, asnjë prej tyre nuk u arrestua.

Prandaj dhe SPAK-u nuk mund të jetë karroca e Dylit në duart e Altin Dumanit, por ky i fundit duhet të zgjohet dhe të kalërojë SPAK-un, për të fituar garën, garën me të vërtetën, garën me drejtësinë, atë që presin shqiptarët, atë që kanë investuar amerikanët.

Nuk mund të heshtë dhe të bëjë sikur nuk di se çfarë po ndodh apo të ecë dhe të drejtojë karrocën e Dylit./ CNA.al

 

Lajmet e fundit nga