web counter
LEXO PA REKLAMA!

SHKARKO APP

App Store
Google Play

Ndryshimi i pronarëve te landfilli i Sharrës/ Klani që fundosi ARMO-n mbin tek inceneratori

29 Prill 2023, 11:24, Denoncim CNA

Ndryshimi i pronarëve te landfilli i Sharrës/ Klani që fundosi

Një ditë më parë portali "Syri.net" njoftoi se pronarët e inceneratorit të Tiranës kanë ndryshuar. Sipas dokumenteve të depozituara në QKB, tashmë në kompaninë "Integrated Energy" është shtuar si pronar edhe shtetasi francez Max Abitbol.

Inceneratori i Tiranës ka një zinxhir pronësie prej dy kompanish. Kompania e parë është Integrated "Energy BV SPV". Kjo është kompania së cilës qeveria i ka dhënë koncesionin 35-vjeçar të inceneratorit të Tiranës. Por vetë "Integrated Energy" zotërohet në masën 100 për qind nga një kompani e regjistruar në Holandë, që quhet "Geogenix". Zoti Abitbol rezulton se ka blerë aksione te "Geogenix" dhe rrjedhimisht kjo e bën atë pronar edhe tek inceneratori i Tiranës.

Nga dokumentet e QKB-së struktura e pronësisë fundore është e paqartë dhe jo e plotë. "Oligarkia.al" publikon një dokument ekskluziv, i cili shpjegon qartë pronësinë fundore të koncesionit të inceneratorit. Sipas grafikut që mban datën 10 maj 2022, pikërisht në të njëjtën datë që raporton dhe QKB se kanë ndodhur ndryshimet, rezulton se kompania "Integrated Energy" zotërohet nga 3 pronarë. Alberto Presezzi zotëron 40 për qind të kuotave, Max Abitbol po 40 për qind dhe Giuseppe Ciaffaglione 19.9 për qind. Ky i fundit është ish-administratori i kompanisë i shpallur në kërkim ndërkombëtar nga SPAK-u.

Ndryshimi i pronarëve te landfilli i Sharrës/ Klani që fundosi

Fijet pas pronarit të ri

Max Abitbol rezulton të ketë blerë 40 për qind të aksioneve të "Geogenix" në Holandë përmes një kompanie të quajtur "Icare Holding SA". E regjistruar në kantonin e Vaudit në Zvicër, "Icare Holding SA" është një kompani e themeluar në vitin 2011, që më parë ka mbajtur emrin JMG Investments SA. Në vitin 2018, JMG është përthithur nga Icare Holding, që në atë kohë rezultonte me asete totale rreth 600 mijë euro.

Gjashtë muaj më parë, "Icare Holding" ka hapur një filial të sajin në Shqipëri me emrin "Icare Energji". Sipas dokumenteve, administratore e kompanisë rezulton Marigona Metaj, ndërsa anëtarët e këshillit mbikqyrës janë Max Abitbol, Blerim Hoxha dhe Joel Jacques Jean Chevallaz. Këta janë emra të njohur në Shqipëri.

Blerim Hoxha ka qenë administratori i "Tosk Energji" nga viti 2016 deri në prill të vitit të kaluar. "Tosk Energji" është kompania që i dha goditjen përfundimtare ARMO-së, e cila më pas u çmontua për skrap. E prezantuar si kompania që do të shpëtonte rafinerinë nga borxhet dhe do të rigjallëronte prodhimin, "Tosk" i rëndoi edhe më shumë borxhet e ARMO-s dhe la mbrapa qindra punonjës të papaguar më muaj të tërë, rroga të cilat më vonë i pagoi qeveria nga taksat e qytetarëve. Sot "Tosk Energji" është nën sekuestro nga administrata tatimore për shkak të detyrimeve të papaguara në shtet.

Marigona Metaj dhe Joel Jacques Jean Chevallaz po ashtu kanë qenë pjesë e "Tosk Energji". E para si përfaqësuese e autorizuar e kompanisë, ndërsa Chevallaz anëtar i Këshillit Mbikëqyrës për periudhën 2016-2018. Lidhja tjetër është Christophe Dabord, i cili tani rezulton si përfaqësues ligjor i kompanisë "Icare Holding SA" në Zvicër. Zoti Dabord është ish-administratori i ARMO-s, gjatë kohës që Uzina shfrytëzohej nga "Tosk" dhe "Byllis Energji"./ Oligarkia.al

 

 

 





Lajmet e fundit nga