LEXO PA REKLAMA!

SHKARKO APP

Nuk përpunon mbetjet/ Kërkohet mbyllja përfundimtare e inceneratorit të Elbasanit

27 Prill 2023, 21:33, Denoncim CNA
Nuk përpunon mbetjet/ Kërkohet mbyllja përfundimtare e
Inceneratori i Elbasanit

Qytetarët e Elbasanit vijojnë të përballen me shqetësimin e përpunimit të plehrave, të cilat në vend që të incenerohen, vazhdojnë të digjen.

Edhe pse inceneratori i Elbasanit do të përpunonte plehrat dhe të prodhonte energji elektrike, kjo gjë nuk po realizohet, pasi ai nuk punon.

Për këtë arsye, sot është kërkuar të fiket dhe mbyllet përfundimisht inceneratori i Elbasanit.

Këtë kërkesë e ka bërë kandidati i koalicionit “Bashkë Fitojmë”, Luçiano Boçi.

“Po i rikthehem tashmë me një mision të ri një beteje të vjetër! Si qytetar i Elbasanit, si përfaqësues i përhershëm i banorëve të këtij qyteti, si mbrojtës i të drejtës së tyre për jetë unë kërkoj fikjen dhe mbylljen përfundimtare të Inceneratorit të Elbasanit.

Inceneratori i Elbasanit është dënimi ynë kolektiv me vdekje nga një skotë e paskrupullt.

Kjo është një gjurmë e kësaj beteje të hershme mes meje dhe atyre që nuk pyesin për Elbasanin”, shkruan Boçi në rrjetet sociale, krahas një videoje me deklaratat për inceneratorin e Elbasanit dhe plehrave të papërpunuara./ CNA.al

Lajmet e fundit nga