web counter
LEXO PA REKLAMA!

SHKARKO APP

App Store
Google Play

E fundit!

x

Inceneratori i Tiranës/ Një pronar dhe dy administratorë në kërkim

19 Dhjetor 2022, 15:30, Aktualitet CNA

Inceneratori i Tiranës/ Një pronar dhe dy administratorë në

CNA.al ka raportuar me dokumente dhe fakte konkrete se pas kompanisë “Integrated Energy BV SPV”, regjistruar në Tiranë në 31 gusht të vitit 2017 qëndronte Klodian Zoto i inceneratorit të Fierit dhe Elbasanit, së bashku me Ernesto Granellin. Ky i fundit, një shtetas italian, i cili ishte i përfshirë në ndërtimin e inceneratorëve të Fierit dhe Elbasanit.

Një tjetër emër është edhe Giuseppe Ciafaglione, i cili është administrator i kompanisë dhe njëherësh aksioner në Tiranë.

Sipas Ekstraktit Historik të Regjistrit të Pronarit Përfitues publikuar në QKB, dokument i tërhequr me datën 14.02.2022, rezulton se një nga pronarët përfitues i shoqërisë “Integrated Energy BV SPV”, është edhe Giuseppe Ciaffaglione.

Ky i fundit është pronar përfitues për 30% të pronësisë pasi zotëron “GeoGenix” (mëma e “Integrated Energy BV SPV”) për 30% të pronësisë.

 

Inceneratori i Tiranës/ Një pronar dhe dy administratorë në
Giuseppe Ciafaglione

 

Të gjithë këta persona së bashku me Ariola Kodrën, administratoren e inceneratorit të Tiranës, janë nën hetim nga Struktura e Posaçme Kundër Korrupsionit.

Klodian Zoto dhe Giuseppe Ciaffaglione janë në kërkim, ndërsa Ariola Kodra në arrest shtëpie.

Kodra dhe Giuseppe Ciaffaglione paguan Alqi Bllakon përmes babait

Sipas SPAK, Alqi Bllako në cilësinë e Sekretarit të Përgjithshëm të Ministrisë së Mjedisit favorizoi kompaninë për inceneratorin e Fierit dhe për këtë Giuseppe Ciaffaglione dhe Arjola Kodra, administratorë të shoqërisë koncesionare "Integrated Energy BV SPV", kanë bërë pagesa fiktive për babain e tij, Alqi Bllako.

Inceneratori i Tiranës/ Një pronar dhe dy administratorë në

“Dyshohet se këto pagesa janë përfitime të parregullta nga shtetasi Alqi Bllako. Shtetasit Giuseppe Ciaffaglione dhe Arjola Kodra, dyshohen për kryerjen e veprës penale "Korrupsioni aktiv i funksionarëve të lartë shtetërorë", në bashkëpunim, parashikuar nga neni 245, 25 i Kodit Penal.

Neni 245 i Kodit Penal, parashikon veprën penale të Korrupsioni aktiv të funksionarëve të lartë shtetërorë ose të zgjedhurve vendorë "Premtimi, propozimi ose dhënia drejtpërdrejtë ose tërthorazi, i çfarëdo përfitimi të parregullt, funksionarëve të lartë shtetërorë ose të të zgjedhurve vendorë, për vete ose për persona të tjerë për të kryer ose mos kryer një veprim, që lidhet me të tyren a funksionin e tij, dënohen me burgim nga një deri në pesë vjet".

Ka dyshime se shtetasit Giuseppe Ciaffaglione dhe Arjola Kodra, administratorë të shoqërisë koncesionare "Integrated Energy BV SPV", në periudha të ndryshme kohore, në bashkëpunim me shtetasin Klodian Zoto (aksioner i shoqërisë koncesionare), me veprimet e kundërligjshme të tyre, i kanë dhënë përfitime të parregullta në mënyrë të tërthortë shtetasit Alqi Bllako (i cili rezulton të ketë ushtruar funksionin e Sekretarit të Përgjithshëm të Ministrisë së Mjedisit dhe më pas Drejtor i Përgjithshëm i AKUM, gjatë kohës së dhënies se koncesionit dhe zbatimit të kontratës koncesionare), nëpërmjet punësimit fiktiv të babait të tij Edmond Bllako, si Drejtor Kantieri, në shumën totale 14.964.900 (katërmbëdhjetë milionë e nëntëqind e gjashtëdhjetë e katër mijë e nëntëqind) lekë, duke rënduar mbi ta dyshimi se kanë kryer veprën penale "Korrupsioni aktiv i funksionarëve të lartë shtetërorë", në bashkëpunim”, ka njoftuar më herët SPAK-u.

Si është lënë në hije Mërtiri për inceneratorin e Tiranës

Inceneratori i Tiranës/ Një pronar dhe dy administratorë në

Janë 430 milionë euro kontratë koncensionare, për një kompani e cila është një guackë në Holandë, e cila nuk kishte eksperiencë, nuk kishte një CV të plotë, por ishte hapur dhe drejtor kishte Klodian Zoton apo italianin e tij Giuseppe Ciaffaglione, Ernesto Granilin e kështu me radhë.

Tani, tek inceneratori i Tiranës kompania “IEBV”, e cila quhej “Integreated Energy”, në Holandë është bërë “Geogenix” dhe ka si pjesë të saj edhe Mirel Mërtirin.

Mërtiri është njeriu hije, për të mos thënë “koka” e inceneratorëve, sipas shumë fakteve, jo vetëm akuzave politike, po dhe dokumenteve.

Ky personazh bashkëjetues i Stela Gugallës, njeriut që mori 22 milionë euro me kompaninë “Albtech Energy” për inceneratorin e Elbasanit, shfaqet edhe si drejtor tek inceneratori i Tiranës.

Mërtiri ka qenë drejtor i kompanisë “Integrated Technology Services”, pra i kompanisë që ka marrë koncesionin e inceneratorit të Tiranës.

Gjithashtu, emri i Mirel Mërtirit del si administrator edhe në kompaninë "ER One Albania", ku bashkëjetuesja e tij Stela Gugallja është ortake me "Energy Recuperator", e cila ka si ortakë dy shtetas italianë, Ernesto Granelli dhe Mario Granelli.

Inceneratori i Tiranës/ Një pronar dhe dy administratorë në

Inceneratori i Tiranës/ Një pronar dhe dy administratorë në

Mirel Mërtiri del si negociator i "Geogenix B.V", në Zimbabve, sipas një dokumenti që është publikuar më herët nga CNA.al.

Inceneratori i Tiranës/ Një pronar dhe dy administratorë në

Në vitin 2019, Mirel Mërtiri shfaqet drejtpërdrejt me firmën e tij në Irak, si përfaqësues i kompanisë "Integrated Energy B.V.".

Inceneratori i Tiranës/ Një pronar dhe dy administratorë në

Inceneratori i Tiranës/ Një pronar dhe dy administratorë në

Emri i tij del edhe në një akt noterial, për të hapur llogari apo për të transferuar para në Zvicër.

Pra, për Mirel Mërtirin ka fakte, prova, foto tek inceneratori i Tiranës, të cilat janë publikuar nga CNA.

Në foton që po e risjellim më poshtë shfaqen Mirel Mërtiri, italiani Giuseppe Caffaglione, emrin e të cilit e gjejmë si drejtor edhe në kompaninë “Geogenix” në Holandë.

Siç ka raportuar edhe më parë CNA.al, “Geogenix BV” është kompania e njohur ndryshe si “Integrated Energy BV”.

Kjo kompani është aksionere e vetme e kompanisë “Integrated Energy BV SPV”, e cila ka fituar koncesionin e inceneratorit të Tiranës./CNA.al





Lajmet e fundit nga