web counter
LEXO PA REKLAMA!

SHKARKO APP

App Store
Google Play

E fundit!

x

Vëllezër e motra zihen për tokën/ 84-vjeçarja tregon historinë: U vranë e sakatuan

18 Dhjetor 2022, 22:02, Aktualitet CNA

Vëllezër e motra zihen për tokën/ 84-vjeçarja tregon

Një histori tronditëse është trajtuar në “Shihemi në Gjyq”, ku nëna 84-vjeçare e quajtur Vide u përball vajzën e saj Majlida, pas problemeve për tokën.

E gjithë historia kishte nisur në vitin 2007 kur kryefamiljari ishte i sëmurë i kishte dhënë fëmijëve  letrat e tokës me sipërfaqe 33450 m2, por që edhe sot e kësaj dite toka nuk është e ndarë siç duhet.

Majlinda deklaroi se letrat babai ia kishte dorëzuar njërit prej vëllezërve, Vladimit dhe sipas saj ai e ka mbajtur tokën të gjithë për vete dhe nëna e moshuar ka mbetur në rrugë pas humbjes së jetës së bashkëshortit.

84-vjeçarja tashmë jeton në një shtëpi të pa banueshme me kushte të mjerueshme dhe asnjë nga fëmijët nuk pranon ta mbajë.

Vidja tha fëmijët e saj u vranë e u sakatuan me njëri-tjetrin për tokën dhe nuk u ulën ta ndajnë siç duhet.

“Donin të ndanin tokën dhe i ati i tha gjithsecili tokën tuaj dhe u dha edhe tapinë në dorë. Nuk ndahet toka pa u matur dhe një herë toka, ata nuk e matën, ikën mbas mendjes së tyre dhe dolën ku dolën. U vranë, u sakatuan, u çanë kokat njëri-tjetrit dhe shkuan në spital. Unë prapë ta përsëris këtë punë?”, deklaroi e moshuara.

Gjithashtu ajo tregoi se asnjë fëmijë nuk i qëndroi të atit te koka para se të ndërronte jetë.

“Nënë si unë nuk gjejnë dot këta dhe baba që patën këta nuk e gjejnë dot. Ishte shumë punëtor, ishte shumë i zgjuar, ishte shumë zemërgjerë që edhe kur vdiq u ngrit një Myzeqe e tërë që e varrosi. Nuk pyetën as për Covid. Erdhën në varrim, por erdhën pa nder. Të  mos i flasësh babait. Që ata kishin një baba që nuk e kishte njeri”, theksoi e moshuara./ B.A. – CNA.al





Lajmet e fundit nga