web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi, në terren pranë banorëve të njësisë 4/ “Po i vjedhin pronën, nuk presin vendimin e Gjykatës"

18 Dhjetor 2022, 12:38, Aktualitet CNA

Këlliçi, në terren pranë banorëve të

Deputeti i Partisë Demokratike, Belind Këlliçi, vijon të mbështesë banorët e njësisë 4 në Tiranë të cilëve do t’u shemben apartamentet.

Këlliçi ka thënë se kërkon transparencë për banorët duke hedhur dhe akuza ndaj bashkisë se qëllimi i tyre është t’u vjedhin pronën këtyre banorëve dhe t’i nxjerrin jashtë.

Sipas tij largimi i banorëve në mënyrë të menjëhershme bëhet për shembjen e pallatit përpara se të jepet vendimi i Gjykatës.

“Është bërë kallëzim në SPAK, dhe është bërë kallëzim ndaj personave përgjegjës. Kam bërë kërkesë në disa institucione, të dimë se kush është firma që do të bëjë ndërtimin, e dimë që bashkia është prapa kësaj, por duam të dimë se përse ky nxitim për të nxjerrë këta banorë, i kanë të gjitha dokumentet në rregull. Banorët kërkojnë transparencë për kursimet e një jete që kanë punuar. Nëser në orën 09.00 do të ketë një seancë gjyqësore. Deri më tani nuk ka asnjë përgjigje. Ajo çfarë kërkojnë është transparencë, duan të dinë se çfarë do të ndodhë me ata. Ata duan t’i vjedhin pronën, duan t’i nxjerrin jashtë. Banorët nuk duan favore, duan shtëpinë e tyre. E gjithë kjo bëhet për ta shembur para vendimit të Gjykatës”, u shpreh ai./ CNA.al

 

 

 





Lajmet e fundit nga