web counter
LEXO PA REKLAMA!

SHKARKO APP

App Store
Google Play

E fundit!

x

Fëmijë shqiptarë të zhdukur në Britani/ Karamuço jep alarmin për trafikim

19 Dhjetor 2022, 12:05, Aktualitet CNA

Fëmijë shqiptarë të zhdukur në Britani/ Karamuço

Pedagogu i Kriminalistikës, Ervin Karamuço, ka folur për çështjen e fëmijëve shqiptarë të zhdukur në Britani.

Sipas tij disa prej tyre mund të jenë strehuar te familjarët, por të tjerë mund të jenë shitur apo abuzuar seksualisht.

Duke folur në "MCN Live" tha se autoritetet britanike nuk dinë fatin e shumë fëmijëve të zhdukur shqiptarë.

“As ambasadori ynë në Parlamentin britanik nuk pati asnjë moment që të prononcohej për këtë çështje, që ishte ngritur nga 'BBC'-ja.

Disa gazetarë investigativë janë paraqitur te qendra e strehimit social, autoritetet kanë komunikuar që s’dimë fatin e këtyre fëmijëve.

Që të dalësh ku kanë mbërritur, duhet të kryqëzohen të dhënat e qendrës me policinë, disa janë strehuar te familjarët, disa lypin, disa janë shitur, abuzohen seksualisht, etj.

Vetë autoritetet britanike s’e kanë zgjidhur ku janë. Shqetësimi mbetet real për sa kohë që s’dihet fati i tyre. Në Greqi ishin shitur 500 fëmijë!

Në rastin e Britanisë ne nuk kemi ende një përgjegjësi konkrete, si ka mundësi që janë larguar.

Na implikohet policia kufitare, noterët. Edhe në Parlamentin anglez është ngritur kjo çështje sepse qendra është shtetërore, dhe duhet të inventarizojë fëmijët.

Se dyshimi mund të jetë që edhe ata vetë mund të jenë pjesë e një trafiku. S’e di nëse ka çuar ndonjë notë ministria e Jashtme, por duhet të ngrihet patjetër nga institucionet shqiptare”, është shprehur Karamuço./CNA.al





Lajmet e fundit nga