web counter
LEXO PA REKLAMA!

SHKARKO APP

App Store
Google Play

Inceneratori i Fierit/ Protestojnë punonjësit: S'kemi marrë pagat prej 4 muajsh

30 Prill 2022, 08:45, Aktualitet CNA

Kur qeveria trumbeton suksesin e inceneratorëve nga njëra anë, inceneratori i Fierit  është sekuestruar nga SPAK dhe 30 punëtorët që punojnë në këtë incenerator në Fier kanë pa marrë4 muaj pagat mujore, ku në total kapin afërsisht shumën e 45 milionë lekëve të vjetra pa llogaritur pagesën e sigurimeve shëndetësore e shoqërore.

Punonjësit e inceneratorit të  Fierit kanë protestuar sërish sot.

Protesta është zhvilluar para portës kryesore të impiantit të përpunimit të mbetjeve.

Punonjësit shprehen se prej katër muajsh nuk marrin pagat ndaj kërkojnë të takohen me drejtuesit.

 ?Nuk kemi marrë pagat prej 4 muajsh. Kemi dalë në shenjë proteste, nuk po punojmë fare, na është premtuar për të marrë pagat. Nuk guxoj të shkoj në shtëpi se bëj debat me zonjën se kërkon 5 lekë për të ngrënë bukë. Nuk kam çfarë tu them fëmijëve, duan të hanë bukë. A hanë 3 vakte në ditë ata qeveritarët? Shikojnë jetën e tyre, bëjnë jetë luksi ndërsa ne kemi ngelur në harresë. Për 32 mijë lekë në muaj po rrijmë në pisllëk?,  shprehet një nga protestuesit.

Ata kërcënojnë se nëse nuk arrijnë të takojnë sot administratorin Farudin Arapi do të bllokojnë hyrjen e Inceneratorit.

Aktualisht inceneratori i Fierit nuk është në gjendje punë, ndërsa protestuesit janë kryesisht roje dhe mirëmbajtës./CNA.al





Lajmet e fundit nga