E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kur do ta hetojnë Piranjat Vojo Bregun?

29 Prill 2022, 10:57, Aktualitet CNA

Piranjat në sulm, piranjat kafshojnë. Kjo është moto e emisionit “Piranja”.

Redaksia e CNA.al ka një vlerësim maksimal për kolegët e Piranjas dhe për punën e tyre.

Po si mund të jenë të besueshme Piranjat kur menaxhohen dhe financohen nga një “hijenë” si Vojo Bregun, që duhet hetuar për pasurinë dhe burimet e saj dhe jo vetëm.

Ndoshta do ishte mirë që ta hetonin Piranjat, pasi faktet nuk mungojnë.

Vojo Bregu, është kapur mat nga Kontrollit i Lartë të Shtetit për tendera të dyshimta, që shkojnë në miliona euro.

Kujtojmë se në lidhje me këto abuzime ndaj tij, ka pasur edhe një kallëzim në prokurori në pranverën e vitit 2021.

Auditimi i KLSH-së ka nxjerrë në pah abuzimet e Bregut në disa tendera.

Sipas KLSH-së, Bregu ka bërë shkelje të rënda ligjore në prokurime të zhvilluara kryesisht me negocim pa shpallje paraprake dhe fond limit 525 milionë lekë pa tvsh të këtij tenderi.

Abuzime janë gjetur edhe në prokurimin e “blerjes së pajisjeve për shërbimin veterinar”, ku fondi i përcaktuar është dy herë më i lartë se ai i tregut.

Procedura është sërish negocim pa shpallje paraprake të njoftimit të kontratës.

Shkelja më flagrante e konstatuar është mos-argumentimi i nevojave të emergjencës, pasi fondet ishin të parashikuara dhe nuk ndodheshin para rastit të nevojës imediate.

Edhe në tenderin për “sistemin e monitorimit me kamera të hidrovoreve”, KLSH ka vërejtur problematika të mëdha për plotësimin e kritereve nga kompania fituese.

Po ashtu, edhe në procedurat e prokurimit “blerje kafshe të llojit gjedh për dëmshpërblimin e fermerëve të dëmtuar nga dermatoza nodulare e gjedhit” janë vërejtur shkelje.

Në këtë tender mungon baza ligjore për miratimin e fondit, që është dy herë më i lartë se çmimi i tregut.

Pra fakte ka, ashtu siç ka edhe Piranja.

Hello Piranja, a e kafshoni dot Vojo Bregun?

CNA.al është e hapur për të bashkëpunuar me ju, të vërë në dispozicion të gjitha dokumentat, derisa të tregojë edhe burimin e parave me të cilat ju financon./CNA.al

Vojo Bregu, “piranja” e administratës

Dalin në shesh bëmat e Vojo Bregut/ Kallëzohet në Prokurori për abuzime me tenderat