LEXO PA REKLAMA!

SHKARKO APP

Inceneratori i Tiranës vijon të paguhet/ Merr nga buxheti 8.3 milionë euro vetëm këtë vit

17 Nëntor 2022, 18:17, Aktualitet CNA
Inceneratori i Tiranës vijon të paguhet/ Merr nga buxheti 8.3
Inceneratori i Tiranës

Thellohet skandali me aferën e inceneratorit të Tiranës. Mësohet se vetëm për këtë vit kompania që menaxhon mbetjet në Lanfillin e Sharrës ka marrë 975 mln lekë, ose 8.3 mln euro nga buxheti i shtetit.

Të dhënat nga Open Data që burojnë nga dega e thesarit në Ministrinë e Ministrinë e Financave tregojnë se kompania “Integrated Energy B.V. S.P.V.”, e kontraktuar për ndërtimin e inceneratorit të Tiranës, e ka marrë pagesën e fundit më 8 nëntor.

Ndonëse vendi po zien nga skandali me inceneratorët, pagesat janë bërë rregullisht çdo muaj nga bashkitë Tiranë, Durrës, Kavajë dhe Vorë.

Kujtojmë se kontrata e koncesionit për inceneratorët është lidhur në 31 gusht 2017 për përpunimin e mbetjeve me incenerim dhe prodhimin e energjisë elektrike për një periudhë 30 vjeçare.

SPAK ka nisur hetimet për aferën e tre inceneratorëve, ndërsa ka mbyllur për inceneratorin e Elbasanit. SPAK lëshoi dje 11 urdhër-arreste, nga të cilët 5 persona u vunë në pranga dhe 6 të tjerë u shpallën në kërkim./ B.A. – CNA.al

Lajmet e fundit nga