web counter
LEXO PA REKLAMA!

SHKARKO APP

App Store
Google Play

E fundit!

x

Emailet e ministrisë i dërgoheshin Mërtirit dhe Zotos/ Fakte për lidhjet e Bllakos me njerëzit e inceneratorëve

17 Nëntor 2022, 14:58, Aktualitet CNA

Emailet e ministrisë i dërgoheshin Mërtirit dhe Zotos/ Fakte

Gazetarja Klodiana Lala ka zbardhur detaje nga dosja hetimore për inceneratorin e Elbasanit.

Lala ka konfirmuar se janë zbuluar disa dhjetëra e-maile dhe komunikimi të ish deputetit socialist Alqi Bllakos njerëzit e inceneratorëve Mirel Mërtiri dhe Klodian Zoto.

“Janë disa e-maile të shkëmbyera mes Alqi Bllakos dhe Mirel e Mërtirit që janë konsideruar si prova nga SPAK për të çuar nën akuzë ish-deputetin”, ka thënë Lala.

Më tej gazetarja, ka treguar për News 24 se gjithçka ka filluar kur është shpallur emergjenca mjedisore për Elbasanin.

Sipas dosjes hetimore, nga burime të besuara të SPAK rezulton se vendimi i Bashkisë së Elbasanit për shpalljen e emergjencës mjedisore, rezulton të jetë përpiluar nga një punonjëse e ministrisë së mjedisit A.TH., e cila ia ka dërguar Alqi Bllakos me detyrë sekretar i ministrisë.

Më tej Bllako e ka kaluar këtë email në adresën e tij private dhe i është dërguar dhe shtetasit Mirel Mërtiri dhe ky i fundit ia dërgon biznesmenit Klodian Zoto.

Nga sekuestrimi i kompjuterit të Alqi Bllakos, i cili shkoi deri në Kuvend si deputet i PS-së, ka rezultuar se Alqi Bllako ka komunikime të vazhdueshme me shtetasin Mirel Mërtiri dhe shtetasit Klodian Zotot, që konfirmon se këta re persona kanë njohje me njeri-tjetrin.

Komunikimet nuk kanë lidhje vetëm me inceneratorët, por Alqi Bllako flet dhe për aktivitete private të kompanive të Mërtirit dhe Zotos./CNA.al





Lajmet e fundit nga