LEXO PA REKLAMA!

SHKARKO APP

E fundit!

x

A e ka marrë me qira Mirel Mërtiri kanalin Top News?

17 Nëntor 2022, 13:03, Aktualitet CNA
A e ka marrë me qira Mirel Mërtiri kanalin Top News?
Mirel Mërtiri (Foto montazh)

Një pyetje që e shtrojmë që në titull, më poshtë do të sjellim dhe disa detaje ku bazohet ngritja e shumë dyshimeve.

Dyshimet janë të plota, se Mirel Mërtiri, njeriu i inceneratorëve, pjesë e asaj që SPAK e quan grup kriminal, pasi kanë marrë dhjetëra miliona euro nga taksat e shqiptarëve në projekte koncesionare të cilat nuk kanë përfunduar apo është bërë korrupsion me zyrtarë shtetërorë, të jetë futur thellë në media.

Edhe pse në kërkim, tashmë dyshohet se ka marrë me qira pa letra kanalin televiziv Top News.

A e ka marrë me qira Mirel Mërtiri kanalin Top News?
Mirel Mërtiri (Foto montazh)

Për të qenë më të qartë Top News është kanal televiziv i platformës Digitalb, pra nuk është një televizion i licensuar me vete nga AMA, por gjithsesi ka një influencë të caktuar në treg. Kohët e fundit audienca iu rrit dhe dyshimet janë se Mirel Mërtiri dhe njerëzit e tij, së fundmi janë prezent në Top News.

Le të shohim detajet!

Pak ditë më parë CNA.al raportoi se Lori Hoxha kishte larguar nga detyra e drejtorit të Top News-it, Ledion Liçon dhe në vend të tij, sipas të burimeve nga Top Channel ka shkuar Erion Habilaj.

A e ka marrë me qira Mirel Mërtiri kanalin Top News?
Lori Hoxha dhe Ledion Liço (Foto montazh)

Në fakt nuk është se ka shkuar ndonjë gazetar me eksperiencë të madhe.

Thjesht dhe vetëm është pronari i një portali  “Vox”që në fakt është një emër që kushëriri i tij Endrit Habilaj e ka përdorur gjatë kohës kur ka qenë në Top Channel kur ka drejtuar emisionin Top Story dhe gazetën Shqip.

Në atë kohë CNA.al ka sjellë me dokumenta se si Endrit Habilaj me kompanitë shpk të ndryshme regjistuar në QKB me emra Vox News, Top News, gazeta Shqip online apo dhe emra të tjerë merrte para nga kompanitë e inceneratorëve. Nuk shpëtoi as bashkëshortja e tij.

Janë qindra mijëra euro të dhëna nga kompania e inceneratorit të Tiranës Integrated Energy BVSVP drejt Endrit Habilajt, kushëririt të Erionit.

CNA.al ka nxjerrë më dokumenta se si Habilaj merrte para nga kompanitë e inceneratorëve, me qindra mijëra euro në disa kompani të regjistruara me adresë, godinën e Top Channel.

Më në fund hapet një portal i cili një nga burimet financiare ka edhe paratë që vijnë nga njerëzit e inceneratorëve apo rreth tyre.

Lori Hoxha ka bërë një veprim, ka larguar kunatin e saj dhe ka sjellë Erion Habilaj në krye të Top News, a thua se po shkon ndonjë gazetar me eksperiencë, ndonjë person që do ndryshojë Top News.

Jo aspak!

Janë të gjtha dyshimet se Erion Habilaj është thjesht dhe vetëm një fasadë që do të paraqitet në korridore, njeriu që do të drejtojë Top News do të jetë Endrit Habilajt.

A e ka marrë me qira Mirel Mërtiri kanalin Top News?
Erion Habilaj

Endrit Habilaj është ai që u akuzua dhe shkëmbeu akuza të ashpra me Top Channel në lidhje me gjobvënie të ndryshme. Me largimin e Habilajt, ky i fundit tha se ishin vënë gjoba nga Top Channel. Në fakt Top-i iu përgjigj duke thënë se kishte larguar gjobaxhinjtë.

Më pas, siç e thamë më lart, hapi një portal në emër të kushëririt të tij Erion Habilaj, i cili tashmë shkon të marrë menaxhimin e Top News.

Gjithçka që u pështy është lëpirë dhe së fundi shfaqen gazetarët e inceneratorëve që CNA.al, i ka treguar me dokumenta.

Njerëzit që përgatisnin emisionin Top Story apo dhjetëra kronika se sa të mirë ishin inceneratorët, e sa të mira ishin kompanitë e çfarë punë kolosale ishte kryer, duke mbuluar skandalet dhe korrupsionin, tani janë sërish nw shërbim tek Top News.

Në fakt të gjithë pronarët, aministratorët, tashmë janë ose në arrest ose në kërkim nga SPAK, pasi konsiderohen grup kriminal i përfshirë në korrupsion,  mospagim taksash etj.

Pse ky televizion?

Një person në kërkim si Mirel Mërtiri, tashmë janë të gjitha dyshimet, se kërkon të ketë një media, por edhe Top Media ka hall burimet financiare.

Nuk i mjafton portali i Habilajt, por duhet edhe një kanal televiziv, janë të gjitha dyshimet se kjo bëhet për të qenë prezent në treg me mesazhe ndaj SPAK dhe gjykatave por edhe për diçka tjetër.

Një nyje lidhëse me Top Channel!

CNA.al ka treguar me dokumenta se si Top Channel është paguar nga inceneratorët.

Se si Vjollca Hoxha ka qenë në ortakëri me Klodian Zoton dhe me Mirel Mërtirin. Sesi Vjollca Hoxha me Top Channel ka qenë në ortakëri me Stela Gugallen. Të tre personat që kanë qenë në ortakëri me Vjollca Hoxhën janë në kërkim. Kësaj të fundit i dhanë 2.2 milionë dollarë për blerjen e aksioneve të Valtelina shpk e cila është kompania e mbajtjes së brandit Lori Caffe. Më pas ja kthyen aksionet pa marrë asnjë lekë pas.

A e ka marrë me qira Mirel Mërtiri kanalin Top News?
Vjollca Hoxha (Foto montazh)

Së fundi raportohet se edhe në muajt gusht, shtator dhe tetor disa dhjetra mijë euro ka marrë Top Channel nga kompanitë e inceneratorëve, këto nëpërmjet transfertave bankare.

Tashmë vjen Top News me të gjitha dyshimet se është marrë në administrim nga njerëzit e Mirel Mërtirit, të cilët i theksuam më lart ashtu si ortakërinë e Vjollca Hoxhës me Mirel Mërtirin, Klodian Zoton dhe Stela Gugalljan.

Tani Lori Hoxha heq kunatin dhe emëron Erion Habilajn, fasadën e Endrit Habilajt, gazetarit dhe zërit zyrtar të inceneratorëve kur ai qendronte në Top Channel.

Një televizion në shërbim të inceneratorëve siç ka qenë hapur Top Channel, tani kanalet e komunikimit bëhen nëpërmjet Top News-it për të mbajtur televizionin me titra që është në platformën e Digitalb dhe këtu çohen njerëzit e inceneratorëve që paguhen prej tyre, që përdoren prej tyre.

Një rast i tillë, një dyshim i tillë duhet të hetohet pasi duhet të zbulohen kontratat dhe duhet të publikohen ato. Shqiptarët duhet ta mësojnë të vërtetën se kush merr taksat e tyre nepërmjet inceneratorëve për të bërë propagandë.

Asgjë deri tani nuk ka publike, por vetëm lëvizje të cilat bëhen në heshtje dhe gjenden skema për të marrë para apo për të dhënë në përdorim pjesë të ekraneve për t’i shërbyer individëve të caktuar për interesat e tyre.

Në këtë rast për interesa të cilat shkojnë tek hetimet e korrupsionit, grupeve kriminale dhe aferave që kanë ndodhur me inceneratorët./CNA.al

Lajmet e fundit nga