web counter
LEXO PA REKLAMA!

SHKARKO APP

App Store
Google Play

E fundit!

x

“Top Channel” nga paratë e inceneratorëve te luksi dhe shantazhet

2 Nëntor 2022, 12:57, Aktualitet CNA
“Top Channel” nga paratë e inceneratorëve te luksi dhe
Foto ilustruese

“Top Channel” dhe Vjollca Hoxha, sot kanë dalë më zbuluar se kurrë.

Tani nuk ka asgjë më nën sipërfaqe, por gjithçka në dritë, duke nisur që nga lidhja me paratë e inceneratorëve deri tek akuzat e njëpasnjëshme për shantazhe dhe sulme.

“Top Channel” me në krye Vjollca Hoxhën kanë kaluar nëpër disa skandale, të faktuara tashmë.

T’i marrim me radhë.

CNA.al ka raportuar lidhjen e Vjollca Hoxhës me pronarët e inceneratorëve, të cilët sot janë në hetim e në kërkim dhe paratë që ajo ka marrë prej tyre.

“Top Channel” është televizioni kryesor në vend që ka bërtitur dhe ulëritur “rrofshin inceneratorët” dhe ka luftuar deri te plehrat e Porto Romanos dhe jo vetëm.

CNA.al shpesh ka thënë se është bërë ekrani i inceneratorëve dhe plehrave.

Në vitin 2019, CNA.al ka raportuar se si Vjollca Hoxha u bë ortake me Mirel Mërtirin e Klodian Zoton nëpërmjet kompanisë “Em Capital Group”, krijuar në Bullgari.

Dhe më pas me këtë kompani u blenë 51 për qind të aksioneve të brendit të Lori Cafesë, Valtelina Café përkundrejt vlerës totale prej 225 milionë lekësh të rinj ose 2.2 milionë dollarë.

Por pas tri vitesh pasi “Top Channel” bëri propagandë për inceneratorët, Vjollca Hoxhës i rikthehen sërish 51 për qind të aksioneve.

“Top Channel” nga paratë e inceneratorëve te luksi dhe

Pra, Vjollca bëri ortakëri me Mirelin dhe Klodin e inceneratorëve duke u dhënë 51 për qind të aksioneve të kompanisë dhe duke mbajtur vetë 49 për qind.

Dhe pas tri vitesh, aksionet i kthehen të plota duke marrë 100 për qind të aksioneve të Valtelina Café të brendit Lori Café.

“Top Channel” nga paratë e inceneratorëve te luksi dhe

Vijojmë me të tjera skandale që kanë shpërthyer brenda “Top Channel” apo edhe jashtë institucionit nga biznesmenë që hidhnin akuza për shantazh.

“Top Channel” pranoi se është përdorur për gjoba.

Kujtojmë rastin e ikjes së Endrit Habilajt nga “Top Channel”, ku largimi i tij u shoqërua me akuza dhe kundërkuza.

“Top Channel” nga paratë e inceneratorëve te luksi dhe

Në shkurt të këtij viti, Vjolla Hoxha shkarkoi nga detyra Endrit Habilajn. Pa arritur tek akuzat mes dy palëve, kujtojmë këtu se CNA.al pati denoncuar skemën nëpërmjet se cilës dilte në dritë se si Endrit Habilaj është paguar nga kompanitë e inceneratorëve.

Nëpërmjet dokumenteve, CNA.al tregoi se Habilaj është sponsorizuar nga Klodian Zoto, pronari i kompanisë “ITS”, që qëndron pas inceneratorëve.

Por me largimin e tij, “Top Channel” me 31 mars 2022, pranoi publikisht se është përdorur përdorur për të vënë gjoba ndaj biznesmenëve.

Në një kronikë të tij ka reaguar ashpër ndaj stafit të emisionit “Top Story”, një emision që për gati tri vite e gjysmë u përdor për gjoba siç u pranua edhe nga vetë “Top Channel”.

Nga ana tjetër, autori i emisionit, Endrit Habilaj, e ka akuzuar Vjollca Hoxhën për gjobë ndaj biznesit.

Në fakt, me fillimin e “Top Story”-t në atë kohë ishte biznesmeni Nadir Çausholli i pari, i cili akuzoi për gjobëvënie “Top Channel”-in. Çështja u hap në prokurori, por më pas palët u pajtuan.

Në vitin 2019, Çausholli pati një përplasje mjaft të fortë me televizionin “Top Channel”.

“Top Channel” nga paratë e inceneratorëve te luksi dhe
Nadir Çausholli

Çausholli akuzonte “Top Channel”-in, për gjobëvënie, pas një seri të njëpasnjëshme kronikash.

“Unë kam bërë një kallzim penal ndaj kësaj medie, pronares dhe stafit të saj për gjobëvënie të pastër ndaj biznesit. Prandaj na intimidon, duke përbërë në këtë mënyrë një gjobëvënie të pastër ndaj biznesit tonë dhe për këtë do të përgjigjet para drejtësisë”, u shpreh në atë kohë Nadir Çausholli.

Nuk mbarojnë shantazhet me biznesmenin Çausholli.

Një tjetër biznesmen, Arben Reli është shantazhuar me shkrime me të pavërteta në fletushka të falimentuara, akuza të ngritura me urdhër nga historitë rozë, të Vjollca Hoxhës.

Kjo e fundit në tentative për të  shpëtuar historitë rozë, me mospagimin e borxhit 400 mijë euro, me anë të emisionit “Fiks Fare” i kushtoi dy puntata një çështje krejtësisht private, një marrëdhënie mes dy biznesmenëve, e cila ishte në një process gjyqësor.

Dhe tashmë po del edhe kryeministri Edi Rama me akuza ndaj “Top Channel” për shantazh dhe gjobëvënie.

Rama akuza për shantazh dhe gjobvënie Top Channel-it

Në disa raste të njëpasnjëshme, Kryeministri Edi Rama duke nxjerrë edhe dokumente siç ishte ai i sotmi i AZHBR-së, ka drejtuar gishtin akuzues ndaj “Top Channel”-it, si televizion shantazhues dhe gjobaxhi.

“Top Channel” nga paratë e inceneratorëve te luksi dhe

Pra, gjithmonë e më shumë gjërat bëhen më të besueshme, pasi CNA.al ia ka nxjerrë me dokumente, biznesmenët që kanë denoncuar në vijimësi dhe së fundmi edhe kryeministri Edi Rama.

“Top Channel”, ekrani që dikur ka qenë ikona e shqiptarëve, po kthehet në një televizion që shpesh është akuzuar edhe për imazhet që shfaq në “prime time”, siç janë emisionet skandaloze, “Kepi i tundimeve”, “Përputhen”.

Cila është arsyeja që “Top Channel” ka përfunduar në këtë nivel?

Paratë e shumta që u duhen trashëgimtarve, aksionerëve të “Topit”, Vjollcës dhe fëmijëve të saj apo paratë e shumta për ta mbajtur pasi e kanë katandisur në këtë gjendje? /CNA.al





Lajmet e fundit nga