web counter
LEXO PA REKLAMA!

SHKARKO APP

App Store
Google Play

"PD u përça nga Rama"/ Lubonja: Gjykata mund t'i japë vulën Alibeajt

1 Nëntor 2022, 22:26, Aktualitet CNA
"PD u përça nga Rama"/ Lubonja: Gjykata mund t'i
Analisti Fatos Lubonja

Analisti Fatos Lubonja ka deklaruar se kryeministri Edi Rama është personi që ka përçarë Partinë Demokratike dhe instrument për këtë është bërë ish kreu i saj Lulzim Basha.

I ftuar në emisionin Open , Lubonja ka theksuar se Rama do ta vazhdojë këtë lojë të përçarjes deri në fund, duke thënë se gjykata mund t’i japë vulën Enkelejd Alibeajt.

Analisti theksoi se, edhe sikur opozita të jetë e bashkuar nuk ka shanse përballë një regjimi që tashmë nuk pyet për asgjë.

“Mendoj se duhet të ishin bërë përpjekje nga të dyja palët që mese do kishte primare duhet të ishin me kandidatët e të gjithë palëve, së bashku me Partinë e Lirisë, kjo do ishte zgjidhja më e mirë për të shpëtuar nga një regjim i tillë që nuk njeh asnjë respekt.

Caktimi i njerëzve për të kandiduar në primare, me negociata mundet që të kishte një marrëveshje që të caktojmë disa njerëz që të ishin nga të dy palët, më mirë do ishte të caktoheshin njerëz me konsensus nga të dyja palët për të garuar se kë preferojnë më shumë votuesit e PD-së.

PS-së i lehtësohet puna shumë me ndarjen e palëve, përçarjen aty e ka bërë Rama dhe instrument është bërë Basha, duhet të luftohej që të mos vazhdonte dhe mendoj përsëri që këtë lojë të përçarjes Rama do e vazhdojë deri në fund edhe me gjykatën që mund t’i japë vulën Alibeajt. Këtu nuk ka shanse edhe sikur e bashkuar të jetë gjithë opozita, përballë një regjimi që nuk pyet për asgjë”, u shpreh ai./ CNA.al





Lajmet e fundit nga