web counter
LEXO PA REKLAMA!

SHKARKO APP

App Store
Google Play

Mësues me më pak praktikë dhe libra falas/ Kushi: Ja çfarë do të ndodhë me maturantët që duan mjekësinë

1 Nëntor 2022, 13:55, Aktualitet CNA

Mësues me më pak praktikë dhe libra falas/ Kushi: Ja

Ministrja e Arsimit, Evis Kushi, gjatë prezantimit të projektbuxhetint të vitit 2023 në Komisionin për Edukimin ka thënë  se është parashikuar që të jepen libra falas njëpërdorimshe nga klasa 1 deri në klasën e 3-të.

Sipas saj, klasa e parë e dytë dhe e 3-të tekstet shkollore do të jenë njëpërdorimshe dhe tekstet do të jepen falas.

Ndërsa të gjitha ata që janë diplomuar për mësuesi është parashikuar që të bëjnë më pak praktikë.

 “Këtë vit kemi marrë vendim për të shkurtuar kohën e praktikës mësimore për të diplomuarit për mësuesi para se të shkojnë në marrjen e licencës, nga një vit në 3 muaj”, u shpreh ministrja.

Një informacion Kushi ka dhënë dhe për maturantët që duan të studiojnë mjekësi në vitin 2023.

Ata do t’i nënshtrohen një testimi shtesë në formë elektronike. Ajo deklaroi se kjo do të rrisë më tepër meritokracinë dhe transparencën.

“Kemi vendosur që për provimet e maturës në programin mjekësi e përgjithshme maturantët të kemi edhe një provim shtesë i cili rrit edhe më shumë meritokracinë dhe transparencën. Do të jetë një provim në QSHA, si provimet e licencave, krejtësisht i automatizuar ku testi korrigjohet menjëherë. Ku edhe rreziku i gabimit, edhe koha edhe shpenzimet e administrimit do të jetë më i ulët. Kjo do të pilotohet me programin mjekësi e përgjithshme që është program më i kërkuar dhe ndërkohë kemi qëllim ta shtrijmë edhe për provimet e tjera të maturës”, u shpreh Kushi./CNA.al





Lajmet e fundit nga