E fundit!

20:35 Politikë

Rama për projektin e Zvërnecit: Do të jetë krenari për Shqipërinë dhe për Europën

Kryeministri Edi Rama në konferencën ndërqeveritare është ...

Kushtetuesja, e pakënaqur me buxhetin/ Alibeaj i përçarësve bën zhurmuesin

1 Nëntor 2022, 11:20, Aktualitet CNA

Kushtetuesja, e pakënaqur me buxhetin/ Alibeaj i

Ditën e sotme në Komisionin për Çështje Ligjore, Administratën Publike dhe të Drejtat e Njeriut po diskutohet lidhur me projektbuxhetin 2023.

Gjatë fjalës së tij Eugen Papandile, sekretar i Gjykatës Kushtetuese, u shpreh se është e nevojshme një shtesë fondesh, duke treguar se janë të pakënaqur me financat e alokuara nga qeveria.

Deputeti përçarës i PD-së, Enkelejd Alibeaj, u shpreh se Komisioni nuk është vend për të kërkuar lëmoshë.

Nga ana tjetër Papandile iu kundërpërgjigj me argumentin se kërkesat duhet të bëhen në rrugë ligjore, pasi buxheti kalon në dy deri në tri cikle të përgatitjes dhe miratimit të tij, kërkesat paraqiten në formë zyrtare dhe vlerësohen nga pikëpamja teknike nga Ministria e Financave.

Pjesë nga diskutimi:

Eugen Papandile (Gjykata Kushtetuese): Shpresoj t'u bind për 3 projekte që kam paraqitur së fundmi pranë komisionit të ligjeve që lidhen me situatën aktuale. Kërkesa e parë është një shtesë që kërkojmë nga ju për mbrojtjen kibernetike. Nuk ka nevojë të zgjatem për rëndësinë e madhe që ka mbrojtja kibernetike. Nuk është ndonjë fond i kripur për xhepat e qeverisë. Kërkesa është për mbrojtjen kibernetike dhe një shtesë për qiranë për makinat e institucionit.

Gjyqtarët apo administrata nëse kanë një punë jashtë orarit të punës, nuk paguajnë dot parkimin dhe kemi kërkuar për të pasur mundësinë e parkimit 24 orë. Gjithashtu është edhe investimi për mbrojtjen nga zjarri, është diku te 15 milionë lekë të vjetra. Fondet e hequra në mes të vitit dëmtojnë funksionalitetin e institucionit. Gjykata Kushtetuese e ka të përcaktuar në Kushtetutë autonominë financiare. Duhet të na lajmëroni përpara për këtë. Jo të na bëhet fakt i kryer. Janë pak a shumë sa shtesa që bëtë vitin e kaluar.

Çausholli (Ministria e Financave): Buxheti është rritur në shpenzimet korrente 8%, ndërsa te investimet ka në rënie. Për kërkesat shtesë që lidhen me shpenzimet, të prioritizohen edhe njëherë nga institucioni, por edhe nga ana jonë.

Alibeaj: Elementi thelbësor i pavarësisë është pavarësia financiare. Në kushtetutë thuhet gjykata kushtetuese ka buxhet të veçantë që e administron në mënyrë të pavarur. Dua të di, si e keni konceptuar këtë parashikim kushtetues që është reflektuar edhe në ligjin gjykatës kushtetuese. A e praktikon qeveria që nëse gjykata kushtetuese kërkon 10 lekë dhe ju të jepni 7? Ja përcaktoni ju vetë se si duhet ta administrojë buxhetin? Dua të di si e ka konsideruar Gjykata Kushtetuese këtë administrim të pavarur, sa kohë që Gjykata Kushtetuese është gardiani i Kushtetueses?

Çausholli: Buxheti i institucioneve të pavarura zbaton ligjin ku janë parashikuar shpenzime koherente dhe kapitale.

Alibeaj: Gjykata Kushtetuese bën analizën e nevojave që ka, ju paraqet kërkesën, ju si qeveri i jepni të drejtën vetes që ta shkurtoni këtë buxhet apo respektoni si e sjellin ata kërkesën.

Çausholli: Kjo është një procedura më e gjatë, buxheti kalon në dy deri në tri cikle të përgatitjes dhe miratimit të tij, kërkesat paraqiten në formë zyrtare dhe vlerësohen nga pikëpamja teknike nga Ministria e Financave. Pasi bëhet një analizë, paraqitet me shkrim aty ku mendohet se ku duhet përmirësuar. Pas kësaj vjen faza tjetër më e abdetuar me situatën dhe jepet një kufi i parashikuar që ne i quajmë si tavane buxhetore se cilat janë prioritet e institucionit./CNA.al