web counter
LEXO PA REKLAMA!

SHKARKO APP

App Store
Google Play

E fundit!

x

Nga siguria, reforma në drejtësi dhe lufta kundër korrupsionit/ Mesazhi i qartë i Yuri Kim pas dialogut strategjik

31 Tetor 2022, 19:46, Aktualitet CNA
Nga siguria, reforma në drejtësi dhe lufta kundër korrupsionit/
Ambasadorja e SHBA-ve, Yuri Kim

Ambasadorja e SHBA-ve, Yuri Kim, ka bërë të qartë se SHBA dhe Shqipëria janë të gatshme për të bërë më shumë se kurrë më parë për demokracinë, mbrojtjen dhe biznesin.

Në një postim në Twitter, Kim shkruan se është forcuar bashkëpunimi mes dy vendeve tona për një gamë të tërë çështjesh, si siguria, reforma në drejtësi, lufta kundër korrupsionit, energjia, ndryshimet klimatike, investimet dhe tregtia.

Kim e përfundon postimin e saj me një mesazh të qartë pas dialogut, duke thënë se është momenti që të vazhdojë puna dhe të ecim përpara.

“E emocionuar për t'u rikthyer në Tiranë pas Dialogut Strategjik inaugurues javën e kaluar, i cili u mundësoi zyrtarëve të lartë të dy vendeve tona të forcojnë bashkëpunimin në gamën e çështjeve: sigurinë rajonale dhe globale (përveç si Aleatët e NATO-s dhe anëtarët e Këshillit të Sigurimit të OKB-së), mes SHBA dhe Shqipërisë, bashkëpunimin në mbrojtje (përfshirë sigurinë kibernetike), integrimin në BE, reformën në drejtësi dhe luftë kundër korrupsionit, energjinë dhe ndryshimet klimatike, mes SHBA dhe Shqipërisë, tregtinë dhe investimet.

Nga takimet me departamentin e Shtetit, departamentin e Mbrojtjes, departamentin e Tregtisë, departamentin e Energjisë, USAID, Agjencinë zyrtare të kreditimit të eksportit në SHBA, Agjencinë për promovimin e prosperitetit ekonomik dhe garantimin e sigurisë financiare të Shteteve të Bashkuara, Shtëpinë e Bardhë, bëj të qartë, se SHBA dhe Shqipëria janë të gatshme dhe në gjendje të bëjnë së bashku më shumë se kurrë më parë për demokracinë, mbrojtjen dhe biznesin. Le të fillojmë punën dhe le të vazhdojmë të ecim përpara!”, shkruan Yuri Kim./ CNA.al





Lajmet e fundit nga