web counter
LEXO PA REKLAMA!

SHKARKO APP

App Store
Google Play

Censusi konfirmoi se 100 mijë shqiptarë jetojnë në Serbi/ Çfarë provokoi Vuçiçi?

31 Tetor 2022, 16:18, Aktualitet CNA

Censusi konfirmoi se 100 mijë shqiptarë jetojnë në Serbi/

Kryeshefi i Administratës Komunale të Preshevës, Hazvi Ramadani, ka konfirmuar se censusi në Serbi ka përfunduar. Nga ky census ka rezultuar se më shumë se 100 mijë shqiptarë jetojnë në territorin e shtetit fqinj.

Ramadani saktësoi gjithashtu edhe numrin total të personave që janë regjistruar përgjatë 31 ditëve të fundit në Luginën e Preshevës.

Raportohet se deri tani në komunën e Preshevës ka 95 mijë njerëz të cilët janë regjistruar, 54 mijë e 506 në Bujanovc dhe 8 mijë e 475 njerëz në Medvegjë.

Shumica e këtyre njerëzve janë shqiptarë.

Pavarësisht se procesi ende nuk është mbyllur përfundimisht, kanë nisur polemika. Presidenti serb gjatë javës së shkuar provokoi duke u shprehur se shifrat që do të raportohen nga censusi, nuk do të tregojnë numrin real të shqiptarëve në Serbi. Ai tha më tej se shumë familje në Bujanoc, Preshevë dhe Medvegjë regjistrojnë anëtarë që nuk jetojnë në Serbi.

Sakaq faktori politik shqiptar në Luginë, ka reaguar duke e dënuar deklaratën e presidentit. Ata gjithashtu ngritën shqetësimin edhe në institucionet ndërkombëtare./CNA.al

 

 





Lajmet e fundit nga