LEXO PA REKLAMA!

SHKARKO APP

Minutat e fundit të Briken Sanajt/ Parandjenja e keqe e mikut të tij, çfarë deklaroi në polici

31 Tetor 2022, 13:18, Aktualitet CNA

Minutat e fundit të Briken Sanajt/ Parandjenja e keqe e mikut të tij,

Hetimet për vrasjen e 39-vjeçarit, Briken Sanaj, në zonën e njohur si "Kodra e Diellit" në kryeqytet, janë përqendruar më së shumti te një konflikt që ka pasur vëllai i tij para disa vitesh me një familje në Lezhë.

Gjithsesi policia po kalon në sitë dhe të gjitha dyshimet e tjera, që mund të lidhen me ndonjë konflikt të mundshëm që ka pasur vetë viktima apo aktiviteti me të cilin merrej ai.

Sipas gazetës "Shqip", në vendin ku ndodhi krimi, ai ka shkuar së bashku me dhëndrin dhe një shok tjetër, për të ulur gjërat e dasmës. Në momentin kur është qëlluar me armë zjarri, viktima ka qenë në pjesën e bagazhit të makinës, ndërsa dy shokët te dera e garazhit të shtëpisë që ishte e marrë me qira nga dhëndri.

Sipas pamjeve filmike të kqyrura deri më tani, ka qenë një autor i vetëm në momentin e të shtënave, i cili afrohet pranë makinës së viktimës dhe qëllon 4 herë me kallashnikov. Dy nga plumbat e kanë kapur viktimën në kokë dhe në shpinë, duke dalë tejpërtej. Autori me një çantë të zezë ku kishte fshehur armën, largohet nëpërmjet disa shkurreve, pasi kishte çarë një pjesë të rrethimit të banesës.

Shoku tjetër që ka qenë i pranishëm, ka deklaruar në dëshminë e tij se ai ka vënë re dy persona të dyshimtë pak para ngjarjes dhe kishte pasur një parandjenjë të keqe, gjithsesi ata vijuan rrugën e tyre te garazhi i shtëpisë për të lënë gjërat e dasmës.

Briken Sanaj njihej gjithashtu me emrin Anton Gjini. Ndonëse ai vetë nuk rezulton person me precedent penal, vëllai i tij para disa vitesh ka plagosur një person në Lezhë, pasi kishin konflikt me një familje të zonës./CNA.al

 

Lajmet e fundit nga